Udayavani Entertainment 
Udayavani : Karnataka Most Honored Indian Newspaper Published From South India

  •   ಲವ್‌ ಸ್ಟೋರಿ ನಂತರ ಕೃಷ್ಣನ ಮ್ಯಾರೇಜ್‌ ಸ್ಟೋರಿ ಶುರು
    ಕೊಪ್ಪಳ: ಕೃಷ್ಣನ ಮ್ಯಾರೇಜ್‌ ಸ್ಟೋರಿ ಸಿನಿಮಾದಲ್ಲಿ ಅದ್ಧೂರಿ ಮದುವೆಯಾಗಿದ್ದ ನಟ ಅಜೇಯ್‌ರಾವ್‌ ಕೊಪ್ಪಳ ತಾಲೂಕಿನ ಹುಲಗಿಯ ಹುಲಿಗೆಮ್ಮ ದೇವಸ್ಥಾನದಲ್ಲಿ ಸಪ್ನಾ ಎಂಬ ಯುವತಿಯೊಂದಿಗೆ ಸರಳ ಮದುವೆಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದರು. ಆಪೆ¤àಷ್ಟರನ್ನಷ್ಟೇ ಆಹ್ವಾನಿಸಿ ಯಾವುದೇ ಆಡಂಬರವಿಲ್ಲದೇ ಸರಳವಾಗಿ ಮದುವೆಯಾಗುವ ಮೂಲಕ ಇತರರಿಗೆ ಮಾದರಿಯಾದರು. ನಟ ಅಜೇಯರಾವ್‌ ಮದುವೆ ನಡೆಯುತ್ತದೆ ಎಂಬ ಸುದ್ದಿ ಹರಡಿ ದೇವಸ್ಥಾನದಲ್ಲಿ ಅಭಿಮಾನಿಗಳು ಭಾರೀ ಸಂಖ್ಯೆಯಲ್ಲಿ ಜಮೆಯಾಗಿದ್ದರು. ಇದೇ ವೇಳೆ ದೇವಸ್ಥಾನಕ್ಕೆ ಆಗಮಿಸಿದ ಆಜೇಯರಾವ್‌ ಗೆಳೆಯರ ಕೈಸರಪಳಿ ಆಧಾರದಲ್ಲಿ ದೇವಸ್ಥಾನದ ಗರ್ಭಗುಡಿ ಪ್ರವೇಶಿಸಿ ಮದುವೆ ಶಾಸ್ತ್ರದಲ್ಲಿ ಪಾಲ್ಗೊಂಡರು. ಈ ವೇಳೆ ದೇವಸ್ಥಾನದೊಳಗೆ ಅಭಿಮಾನಿಗಳು ನುಗ್ಗಲು ಯತ್ನಿಸಿದ ಪರಿಣಾಮ ನೂಕು ನುಗ್ಗಾಟ ಉಂಟಾಯಿತು ಜಮೆಯಾದ ಜನರನ್ನು ನಿಯಂತ್ರಿಸಲು ಪೊಲೀಸರು ಹರಸಾಹಸ ಪಟ್ಟರು. ಕೇವಲ 40 ನಿಮಿಷದಲ್ಲಿ ಮದುವೆ ಕಾರ್ಯ ಮುಗಿಸಿಕೊಂಡು ಅಜೇಯ್‌ ಹಾಗೂ ಕುಟುಂಬದವರು ಹೊಸಪೇಟೆ ಕಡೆಗೆ ಪ್ರಯಾಣ ಬೆಳೆಸಿದರು. ಈ ವೇಳೆ ಉದಯವಾಣಿಯೊಂದಿಗೆ ಮಾತನಾಡಿದ ಅಜೇಯರಾವ್‌, ನಮ್ಮದು ಲವ್‌ ಕಂ ಅರೇಜ್‌x ಮ್ಯಾರೇಜ್‌. ಮೊದಲಿನಿಂದಲೂ ಸರಳ ರೀತಿಯಲ್ಲಿ ಮದುವೆಯಾಗಲು ನಿರ್ಧರಿಸಿದ್ದೆ. ಅದರಂತೆ ದೇವಸ್ಥಾನದಲ್ಲಿ ಸರಳವಾಗಿ ಮದುವೆಯಾಗಿದ್ದೇನೆ ಎನ್ನುವುದೇನೋ ನಿಜ. ಆದರೆ ನನ್ನ ಮದುವೆಗೆ ಇಷ್ಟು ಪ್ರಮಾಣದಲ್ಲಿ ಅಭಿಮಾನಿಗಳು ಸೇರುತ್ತಾರೆ ಎಂದು ನಿರೀಕ್ಷಿಸಿರಲಿಲ್ಲ. ಎಲ್ಲರಿಗಿಂತ ನಂದೇ ಗ್ರಾÂಂಡ್‌ ಮ್ಯಾರೇಜ್‌ ಎಂಬತಾಗಿದೆ.

    » Read more..

  •   ಎರಡು ವಾರಗಳಲ್ಲಿ 4 ಸ್ಟಾರ್‌ ಸಿನ್ಮಾ
    ಕನ್ನಡ ಚಿತ್ರ ರಸಿಕರ ಪಾಲಿಗೆ ಮುಂದಿನ ಇನ್ನೆರೆಡು ವಾರಗಳುರಗಳ ಹಬ್ಬದೆಂತನಿಸಿದರೆ ಆಶ್ಚರ್ಯ ಪಡಬೇಕಿಲ್ಲ. ಏಕೆಂದರೆ, ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿರುವ ನಾಲ್ಕು ಚಿತ್ರಗಳು ಮುಂದಿನ ಎರಡು ವಾರಗಳಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿವೆ. ಎರಡೇ ವಾರಗಳ ಅಂತರದಲ್ಲಿ ಯಶ್‌, ಗಣೇಶ್‌, ವಿಜಯ್‌ ಮತ್ತು ಉಪೇಂದ್ರರಂತಹ ಸ್ಟಾರ್‌ಗಳು ಚಿತ್ರಮಂದಿರಗಳಿಗೆ ನುಗ್ಗುವುದಕ್ಕೆ ತಯಾರಿ ನಡೆಸಿವೆ. ಪ್ರಮುಖವಾಗಿ ಮುಂದಿನ ವಾರ ಕ್ರಿಸ್ಮಸ್‌ ಹಬ್ಬದ ಸಂದರ್ಭದಲ್ಲಿ ಯಶ್‌ ಅಭಿನಯದ 'ಮಿಸ್ಟರ್‌ ಅಂಡ್‌ ಮಿಸಸ್‌ ರಾಮಾಚಾರಿ' ಬಿಡಗಡೆಯಾಗುತ್ತಿದೆ. ಈ ವರ್ಷದ ಹಿಟ್‌ ಚಿತ್ರವಾದ 'ಗಜಕೇಸರಿ' ನಂತರ ಬಿಡುಗಡೆಯಾಗುತ್ತಿರುವ ಯಶ್‌ ಅಭಿನಯದ ಎರಡನೆಯ ಚಿತ್ರ ಇದಾಗಿರುವುದರಿಂದ, ಸಹಜವಾಗಿಯೇ ನಿರೀಕ್ಷೆಗಳು ಹೆಚ್ಚಿವೆ. ಮಂಗಳವಾರ ರಾತ್ರಿಯಷ್ಟೇ ಚಿತ್ರದ ಸೆನ್ಸಾರ್‌ ಆಗಿದ್ದು, 'ಯು' ಪ್ರಮಾಣಪತ್ರ ಸಿಕ್ಕಿದೆ. ಅದಾಗಿ ಒಂದು ವಾರಕ್ಕೆ ಅಂದರೆ ಜನವರಿ 1ರಂದು ಗಣೇಶ್‌ ಅಭಿನಯದ 'ಖುಷಿಖುಷಿಯಾಗಿ' ಮತ್ತು ವಿಜಯ್‌ ಅಭಿನಯದ 'ಜಾಕ್ಸನ್‌' ಚಿತ್ರಗಳು ಬಿಡುಗಡೆಗೆ ಪೈಪೋಟಿ ನಡಿಸಿವೆ. ಮುಂದಿನ ವರ್ಷದ ಮೊದಲ ಚಿತ್ರಗಳೆಂಬ ಹೆಗ್ಗಳಿಕೆ ಈ ಎರಡೂ ಚಿತ್ರಗಳಿಗಿದ್ದು, ಈ ಎರಡೂ ಚಿತ್ರಗಳು ರೀಮೇಕ್‌ ಎಂಬುದು ಗಮನಾರ್ಹ. ಈ ಪೈಕಿ 'ಖುಷಿಖುಷಿಯಾಗಿ' ಚಿತ್ರವು ತೆಲುಗಿನ 'ಗುಂಡೆ ಜಾರಿ ಗಲ್ಲಂತಾಯಂದಿ' ಎಂಬ ಚಿತ್ರದ ರೀಮೇಕ್‌ ಆದರೆ, 'ಜಾಕ್ಸನ್‌' ಚಿತ್ರವು ತಮಿಳಿನ 'ಇದರಕುತ್ತನೆ ಆಸೈಪಟ್ಟೈ ಬಾಲಕುಮಾರ' ಎಂಬ ಚಿತ್ರದ ರೀಮೇಕ್‌. ಇನ್ನು ಜನವರಿ 2ರಂದು ಉಪೇಂದ್ರ ಅಭಿನಯದ 'ಶಿವಂ' ಚಿತ್ರವು ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಇದೆ. ಕಳೆದ ಒಂದೂವರೆ ವರ್ಷಗಳ ಹಿಂದೆ ಶುರುವಾದ ಈ ಚಿತ್ರ ಕಾರಣಾಂತರಗಳಿಂದ ಸಾಕಷ್ಟು ಸುದ್ದಿ ಮಾಡಿತ್ತು. ಈಗ ಚಿತ್ರದ ಟ್ರೈಲರ್‌ ಮತ್ತು ಹಾಡುಗಳು ಬಿಡುಗಡೆಯಾಗಿದ್ದು, ಉಪೇಂದ್ರ ಅವರ ಅಭಿಮಾನಿಗಳಲ್ಲಿ ಚಿತ್ರ ಸಾಕಷ್ಟು ಕುತೂಹಲ ಮತ್ತು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಚಿತ್ರದಲ್ಲಿ ಉಪೇಂದ್ರ ಎರಡು ವಿಭಿನ್ನ ಪಾತ್ರಗಳಲ್ಲಿ ಅಭಿನಯಿಸಿದ್ದು, ಅವರಿಗೆ ನಾಯಕಿಯಾಗಿ ರಾಗಿಣಿ ಅಭಿನಯಿಸಿದ್ದಾರೆ. ಇಲ್ಲೊಂದು ಗಮನಿಸಬೇಕಾದ ಬಹುಮುಖ್ಯ ಸಂಗತಿಯೇನೆಂದರೆ, ಮೊದಲ ಮೂರು ಚಿತ್ರಗಳನ್ನು ಹೊಸಬರು ನಿರ್ದೇಶಿಸಿರುವುದು. 'ಗಜಕೇಸರಿ' ಸೇರಿದಂತೆ ಹಲವು ಚಿತ್ರಗಳನ್ನು ನಿರ್ದೇಶಿಸಿದ್ದ ಸಂತೋಷ್‌ ಆನಂದರಾಮ್‌ 'ಮಿಸ್ಟರ್‌ ಅಂಡ್‌ ಮಿಸಸ್‌ ರಾಮಾಚಾರಿ' ಚಿತ್ರವನ್ನು ಮೊದಲ ಬಾರಿಗೆ ನಿರ್ದೇಶಿಸಿದರೆ, ಹಲವು ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಗುರುತಿಸಿಕೊಂಡಿರುವ ಯೋಗಿ ಜಿ ರಾಜ್‌, 'ಖುಷಿಖುಷಿಯಾಗಿ' ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಇನ್ನು 'ಜಾಕ್ಸನ್‌' ಚಿತ್ರವನ್ನು ನಿರ್ದೇಶಿಸಿರುವುದು ಸಂಕಲನಕಾರರಾಗಿದ್ದ ಸನತ್‌. ಈ ಪೈಕಿ 'ಮಿಸ್ಟರ್‌ ಅಂಡ್‌ ಮಿಸಸ್‌ ರಾಮಾಚಾರಿ' ಚಿತ್ರವು ಬೆಂಗಳೂರಿನ ಸಂತೋಷ್‌ ಮತ್ತು ಇತರೆ ಚಿತ್ರಮಂದಿರದಲ್ಲಿ ಬಿಡುಗಡೆಯಾದರೆ, 'ಖುಷಿಖುಷಿಯಾಗಿ' ಚಿತ್ರವು ಅನುಪಮದಲ್ಲಿ ಬಿಡುಗಡೆಯಾಗಲಿದೆ. ಇನ್ನು ಕಪಾಲಿ ಚಿತ್ರಕ್ಕಾಗಿ 'ಜಾಕ್ಸನ್‌' ಮತ್ತು 'ಶಿವಂ' ಚಿತ್ರಗಳು ಪೈಪೋಟಿ ನಡೆಸಿವೆ ಎಂಬ ಸುದ್ದಿ ಇದೆ. ಈ ಪೈಕಿ ಯಾರಿಗೆ ಚಿತ್ರಮಂದಿರ ಸಿಗಬಹುದು ಎಂಬ ಕುತೂಹಲ ಎಲ್ಲರಿಗೂ ಇದೆ. ಈ ಕುತೂಹಲಕ್ಕೆ ಸದ್ಯದಲ್ಲೇ ತೆರೆ ಬೀಳಲಿದೆ.

    » Read more..

  •   ಪ್ರಜ್ಞಾವಂತೆಯ ಹೊಸ ಈವೆಂಟು!
    ಸಿನಿಮಾ ನಟ, ನಟಿಯರು ಬಿಜಿನೆಸ್‌ಗೆ ಕೈ ಹಾಕೋದು ಹೊಸ ಸುದ್ದಿಯೇನಲ್ಲ, ಆದರೆ, ಸಿನಿಮಾಗೇ ಬ್ರೇಕ್‌ ಕೊಟ್ಟು ಬಿಜಿನೆಸ್‌ನತ್ತ ಮುಖ ಮಾಡೋದು ಹೊಸ ಸುದ್ದಿ. ಈಗಾಗಲೇ ಸುದೀಪ್‌, ನಟಿ ಸ್ಫೂರ್ತಿ, ಹರ್ಷಿಕಾ ಪೂಣಚ್ಚ ಸೇರಿದಂತೆ ಒಂದಷ್ಟು ನಟ-ನಟಿಯರು ಈವೆಂಟ್‌ ಮ್ಯಾನೇಜ್‌ಮೆಂಟ್‌ ಕಂಪೆನಿಗಳನ್ನು ಶುರುಮಾಡಿರೋದು ಹಳೇ ವಿಷಯ. ಈಗ ಅವರ ಸಾಲಿಗೆ ಮತ್ತೂಬ್ಬ ನಟಿ ಪ್ರಜ್ಞಾ ಹೊಸ ಸೇರ್ಪಡೆಯಾಗಿದ್ದಾರೆ. ಪ್ರಜ್ಞಾ ಅಂದಾಕ್ಷಣ ಕೆಲವರಿಗೆ ಯಾರದು, ಎಂಬ ಪ್ರಶ್ನೆ ಮೂಡಬಹುದು. ಏಕೆಂದರೆ, 'ಗಣೇಶ ಮತ್ತೆ ಬಂದ', 'ಬಾಬಾ', 'ದೇವ್ರು' ಹೀಗೆ ಬೆರಳೆಣಿಕೆ ಸಿನಿಮಾಗಳಲ್ಲಷ್ಟೇ ಕಾಣಿಸಿಕೊಂಡು ತಕ್ಕಮಟ್ಟಿಗೆ ಸುದ್ದಿಯಾಗಿದ್ದ ಪ್ರಜ್ಞಾ, ಆ ಬಳಿಕ ಯಾವ ಹಿಟ್‌ ಸಿನಿಮಾಗಳಲ್ಲೂ ಕಾಣಿಸಿಕೊಳ್ಳಲಿಲ್ಲ. ಕೆಲ ಚಿತ್ರಗಳಲ್ಲಿ ನಟಿಸಿದರೂ ಅವು ಅರ್ಧಕ್ಕೇ ನಿಂತದ್ದೇ ಹೆಚ್ಚು. ಈಗ ಸಿನಿಮಾಗೆ ಮಧ್ಯಂತರ ಬ್ರೇಕ್‌ ಕೊಟ್ಟು ಹೊಸದೊಂದು ಈವೆಂಟ್‌ ಪ್ಲಾನ್‌ ಮಾಡಿದ್ದಾರೆ ಪ್ರಜ್ಞಾ. ಮಂಗಳವಾರ ತಮ್ಮ ಹೊಸ ಈವೆಂಟ್‌ಗೆ ಅವರ ತಾಯಿ ಚಾಲನೆ ನೀಡಿದ್ದಾರೆ. ಅದರ ಹೆಸರು 'ಲೈವ್‌ ಸ್ಟಾಟ್‌ಲೆçಟ್‌ ಈವೆಂಟ್‌'. ಈ ಹೆಸರಲ್ಲಿ ಒಂದಷ್ಟು ಬಗೆ ಬಗೆಯ ಕಲರ್‌ಫ‌ುಲ್‌ ಪ್ರೋಗ್ರಾಮ್‌ ಕೊಡಲು ರೆಡಿಯಾಗಿದ್ದಾರೆ. ಇಷ್ಟಕ್ಕೂ ಪ್ರಜ್ಞಾಗೆ ಈ ಐಡಿಯಾ ಬಂದಿದ್ದು ಹೇಗೆ ಗೊತ್ತಾ? ಮೈಸೂರಲ್ಲಿ ನಡೆದ ದಸರಾ ಹಬ್ಬದಲ್ಲಿ 'ಯುವ ದಸರೆ'ಯ ಕಾರ್ಯಕ್ರಮಗಳನ್ನೆಲ್ಲಾ ಅರೇಂಜ್‌ ಮಾಡಿದ್ದು ಇದೇ ಪ್ರಜ್ಞಾ ಅಂತೆ. ಆ ಕಾರ್ಯಕ್ರಮದ ನಿರ್ದೇಶಕರಾಗಿ ಕೆಲಸ ಮಾಡಿದ ಪ್ರಜ್ಞಾ, ಆ ಯುವ ದಸರೆಗೆ ದರ್ಶನ್‌, ರಾಗಿಣಿ, ಸಾಧು ಕೋಕಿಲ ಇತರರು ಆಗಮಿಸಿ, ಸ್ಟೆಪ್‌ ಹಾಕಿ ಹೋಗಿದ್ದರಿಂದ ಅದಕ್ಕೊಂದು ಹೊಸ ಮೆರುಗು ಬಂತಂತೆ. ಅಲ್ಲಿಂದ ಬಂದವರೇ, ಅವರಿಗೊಂದು ಹೊಸ ಐಡಿಯಾ ಹೊಳೆದಿದೆ. ತಾನೂ ಹೊಸದೊಂದು ಈವೆಂಟ್‌ ಕಂಪೆನಿಯನ್ನೇಕೆ ಶುರುಮಾಡಬಾರದು ಎಂಬುದೇ ಆ ಐಡಿಯಾ. ಅದೀಗ 'ಲೈವ್‌ ಸ್ಪಾಟ್‌ಲೆçಟ್‌ ಈವೆಂಟ್‌' ಹೆಸರಿನಲ್ಲಿ ಶುರುವಾಗಿದೆ. ಈ ಈವೆಂಟ್‌ ಕಂಪೆನಿಯಲ್ಲಿ ನಾಲ್ವರು ಕೆಲಸ ಮಾಡುತ್ತಿದ್ದಾರೆ. ಪಾರ್ಥ ಮತ್ತು ಅಂಕಿತಾ ಎಂಬ ಇಬ್ಬರು ಮ್ಯಾನೇಜರ್‌ ಹಾಗು ಆರ್ಗಿನೈಜಿಂಗ್‌ ಡಿಸೈನರ್‌ ಆಗಿ ಕೆಲಸ ನಿರ್ವಹಿಸಲಿದ್ದಾರಂತೆ. ಪ್ರಜ್ಞಾ ಈವೆಂಟ್‌ ಜತೆಯಲ್ಲಿ 'ಲೈವ್‌ ಸ್ಪಾಟ್‌ಲೆçಟ್‌' ಎಂಬ ವೆಬ್‌ಸೈಟ್‌ ಕೂಡ ತೆರೆದಿದ್ದಾರೆ. ಪ್ರಜ್ಞಾ ಈ ಈವೆಂಟ್‌ ಮೂಲಕ ಮದುವೆ ಕಾರ್ಯಗಳು, ಬರ್ತ್‌ಡೇ ಪಾರ್ಟಿಗಳು, ಆಡಿಯೋ ಬಿಡುಗಡೆಗಳು, ಕಾನ್‌ಫ್ರೆನ್ಸ್‌ ಸೇರಿದಂತೆ ಇತರೆ ಶುಭ ಕಾರ್ಯಗಳನ್ನು ಪ್ಯಾಕೇಜ್‌ ರೂಪದಲ್ಲಿ ನಡೆಸಿಕೊಡಲಿದ್ದಾರೆ. ಅಂದಹಾಗೆ, ಪ್ರಜ್ಞಾರ ಹೊಸ ಈವೆಂಟ್‌ಗೆ ಶುಭ ಹಾರೈಸಲು ಅಂದು ನಟಿಯರಾದ ಸಿಂಧು ಲೋಕನಾಥ್‌, ದೀಪಿಕಾ ಕಾಮಯ್ಯ, ಸಂಜನಾ,ರಮ್ಯಾ ಬಾರ್ನಾ, ಹರ್ಷಿಕಾ, ತಿಲಕ್‌ ಸೇರಿದಂತೆ ಸಿನಿಮಾ ರಂಗದ ಅನೇಕರು ಆಗಮಿಸಿದ್ದು ವಿಶೇಷ.

    » Read more..

  •   ಯುವ ಸಾಮ್ರಾಟ್‌ ಕ್ಲೀನ್‌ ಸೆನ್ಸಾರ್‌
    ಹೊಸ ಹುಡುಗ ಕಿರಣ್‌ ಅಭಿನಯದ 'ಯುವಸಾಮ್ರಾಟ್‌'ಗೆ ಸೆನ್ಸಾರ್‌ ಮಂಡಳಿ ಯಾವುದೇ ಕಟ್‌ ಹೇಳದೆ 'ಯು' ಸರ್ಟಿಫಿಕೇಟ್‌ ನೀಡಿದೆ. ಈ ಚಿತ್ರಕ್ಕೆ ನಾಯಕ ಕಿರಣ್‌ ಅವರ ಸಹೋದರ ಯಶವಂತ್‌ ಅವರೇ ನಿರ್ದೇಶಕರು. ಅಷ್ಟೇ ಅಲ್ಲ, ಸಂಗೀತ ಕೂಡ ಯಶವಂತ್‌ ಅವರದೇ. ಈಗಾಗಲೇ ಲಹರಿ ಸಂಸ್ಥೆಯಿಂದ ಹೊರಬಂದಿರುವ ಹಾಡುಗಳಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. ಈ ಚಿತ್ರದಲ್ಲಿ ನೆನಪಿರಲಿ ಪ್ರೇಮ್‌ ಹಾಡಿರುವ 'ಇಲ್ಲಿ ದೊಡ್ಡೋರ ದಾರಿಯಿದೆ, ಹೆತ್ತೋರ ಪ್ರೀತಿಯಿದೆ, ಇನ್ನೇನು ಕಮ್ಮಿಯಿದೆ ನಡೆಯೋ ನೀ ಮುಂದೆ..' ಎನ್ನುವ ಹಾಡು ಸಿಕ್ಕಾಪಟ್ಟೆ ಸುದ್ದಿ ಮಾಡಿದೆ. ಆ ಹಾಡಿನಂತೆಯೇ ಚಿತ್ರದ ನಾಯಕನ ಹಿಂದೆ ಇಡೀ ಕುಟುಂಬವಿದೆ. ಕಿರಣ್‌ ತಂದೆ ಹಾಗು ಪತ್ರಕರ್ತ ನಂದಕುಮಾರ್‌ ಚಿತ್ರದ ನಿರ್ಮಾಣದ ಉಸ್ತುವಾರಿ ವಹಿಸಿದರೆ, ವರಲಕ್ಷಿ¾ ನಿರ್ಮಾಪಕರಾಗಿದ್ದಾರೆ. ಚಿತ್ರದ ಮತ್ತೂಂದು ವಿಶೇಷವೆಂದರೆ, ಡಾ.ಭಾರತಿ ವಿಷ್ಣುವರ್ಧನ ಅವರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನೆ.ಲ.ನರೇಂದ್ರಬಾಬು ಕೂಡ ಸ್ಪೆಷಲ್‌ ಪಾತ್ರದಲ್ಲಿ ನಟಿಸಿದ್ದಾರೆ. ಉಕ್ರೇನ್‌ ಮೂಲದ ಸ್ನಿಷಾನ ಚಿತ್ರದ ನಾಯಕಿ. ಹ್ಯಾರಿಸ್‌ ಜಾನಿ ಹಾಗೂ ನಾಗ್‌ಕೀರ್ತಿ ಸಾಹಸ ನಿರ್ದೇಶಕರು. ಕಂಬಿರಾಜು, ರಾಜ್‌ಕಮಲ್‌, ಕಿರಣ್‌ ಕುಮಾರ್‌ ನೃತ್ಯ ನಿರ್ದೇಶಿಸಿದ್ದಾರೆ. ಅರುಣ್‌ ಸುರೇಶ್‌ ಕ್ಯಾಮೆರಾ ಹಿಡಿದಿದ್ದಾರೆ.

    » Read more..

  •   ಪವರ್‌ಸ್ಟಾರ್‌ ಫೋಟೋ ಆಲ್ಬಮ್‌
    ಅದು ಸಂಭ್ರಮದ ಕ್ಷಣ. ತುಂಬಾ ದಿನಗಳ ನಂತರ ಎಲ್ಲರೂ ಅಲ್ಲಿ ಖುಷಿಯಾಗಿ ಸೇರಿದ್ದರು. ಕೆಲಸ ಮಾಡಿದ, ಸಿನಿಮಾ ಯಶಸ್ಸು ಕಂಡ ನೆನಪಿಗೆ ಸ್ಮರಣಿಕೆ ತಗೊಂಡರು. ಹೌದು, ಪುನೀತ್‌ರಾಜ್‌ಕುಮಾರ್‌ ಅವರ 'ಪವರ್‌ಸ್ಟಾರ್‌' ಚಿತ್ರದ ಶತದಿನೋತ್ಸವ ಸಂಭ್ರಮ ಇತ್ತೀಚೆಗೆ ನಡೆಯಿತು. ಶತದಿನೋತ್ಸವ ಸಂಭ್ರಮ ಎಂದರೆ ಅದು ಕಲರ್‌ಫ‌ುಲ್‌ ಆಗಿರಲೇಬೇಕು. ಹಾಗಾಗಿ, ಅಲ್ಲಿ 'ಪವರ್‌ಸ್ಟಾರ್‌' ಚಿತ್ರದ ಹಾಡುಗಳಿಗೆ ಹೆಜ್ಜೆ ಹಾಕಿ ರಂಜಿಸಲಾಯಿತು. ಪಾರ್ವತಮ್ಮ ರಾಜ್‌ಕುಮಾರ್‌, ಶಿವರಾಜ್‌ಕುಮಾರ್‌, ರಾಘವೇಂದ್ರ ರಾಜ್‌ಕುಮಾರ್‌, ವಿನಯ್‌ರಾಜ್‌ಕುಮಾರ್‌ ಹಾಗೂ ಚಿತ್ರತಂಡ 'ಪವರ್‌ಸ್ಟಾರ್‌' ಶತದಿನ ಸಂಭ್ರಮಕ್ಕೆ ಸಾಕ್ಷಿಯಾದರು

    » Read more..