Udayavani Entertainment 
Udayavani : Karnataka Most Honored Indian Newspaper Published From South India

  •   ಅಕಾಡೆಮಿ ಅಧ್ಯಕ್ಷಗಿರಿ ಕೊಟ್ಟರೆ ಬೇಡ ಅನ್ನಲ್ಲ: ರವಿಚಂದ್ರನ್‌
    ಬೆಂಗಳೂರು: ಕರ್ನಾಟಕ ಚಲನಚಿತ್ರ ಅಕಾಡೆಮಿಯ ಅಧ್ಯಕ್ಷ ಪದವಿ ಸಿಕ್ಕರೆ ತಮ್ಮ ಅಭ್ಯಂತರವಿಲ್ಲ ಎಂದು ನಟ-ನಿರ್ಮಾಪಕ-ನಿರ್ದೇಶಕ ವಿ.ರವಿಚಂದ್ರನ್‌ ತಿಳಿಸಿದ್ದಾರೆ. ಆದರೆ, ಯಾವುದೇ ಕಾರಣಕ್ಕೂ ತಾವು ರೇಸ್‌ನಲ್ಲಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ. 'ಪರಮಶಿವ' ಚಿತ್ರದ ಸಂತೋಷ ಕೂಟದ ವೇಳೆ ಮಾತನಾಡುತ್ತಿದ್ದ ಅವರು, 'ನಾನು ಕರ್ನಾಟಕ ಚಲನಚಿತ್ರ ಅಕಾಡೆಮಿಯ ನೂತನ ಅಧ್ಯಕ್ಷನಾಗುವ ಬಗ್ಗೆ ಮಾತುಗಳು ಕೇಳಿ ಬರುತ್ತಿವೆ. ಸಂತೋಷ್‌ ಲಾಡ್‌ ಅವರು ವಾರ್ತಾ ಸಚಿವರಾಗಿದ್ದಾಗಿನಿಂದಲೂ ಈ ಪ್ರಸ್ತಾವನೆ ಇದೆ. ಅಕಾಡೆಮಿಯ ಅಧ್ಯಕ್ಷ ಪದವಿ ಸಿಕ್ಕರೆ ನನ್ನ ಅಭ್ಯಂತರವೇನಿಲ್ಲ. ಆದರೆ, ನಾನಂತೂ ಅದರ ರೇಸ್‌ನಲ್ಲಿಲ್ಲ. ಅವಕಾಶ ತನ್ನಿಂತಾನೇ ಬಂದರೆ ಸಂತೋಷ. ಸಿನಿಮಾ ಸೇವೆಗೆ ನಾನು ಯಾವತ್ತೂ ಸಿದ್ಧ. ಸಿನಿಮಾಗಾಗಿ ನನ್ನನ್ನು ಹೇಗೆ ಬೇಕಾದರೂ ಬಳಸಿಕೊಳ್ಳಬಹುದು' ಎಂದು ರವಿಚಂದ್ರನ್‌ ಇದೇ ಸಂದರ್ಭದಲ್ಲಿ ತಿಳಿಸಿದರು.

    » Read more..

  •   ದೀಪಿಕಾಗೆ ಶಾರುಖ್‌ ಖಾನ್‌ ಬೆಂಬಲ
    ಮುಂಬೈ: ತಮ್ಮ ಎದೆಸೀಳು ಹಾಗೂ ಸ್ತನಗಳ ಬಗ್ಗೆ ವರದಿ ಪ್ರಕಟಿಸಿದ ಮಾಧ್ಯಮದ ವಿರುದ್ಧ ನಟಿ ದೀಪಿಕಾ ಪಡುಕೋಣೆ ಕಿಡಿಕಾರಿದ್ದನ್ನು ನಟ ಶಾರುಖ್‌ ಖಾನ್‌ ಸೇರಿ ಅನೇಕ ನಟರು ಸಮರ್ಥಿಸಿದ್ದಾರೆ. ವರದಿಯನ್ನು ವಿರೋಧಿಸಿದ ದೀಪಿಕಾ ಧೈರ್ಯ ಮೆಚ್ಚುವಂಥದ್ದು ಎಂದಿದ್ದಾರೆ.

    » Read more..

  •   ನನ್ನ ನೇರ ನಡೆ-ನುಡಿ ಕೆಲವರಿಗೆ ಇಷ್ಟವಾಗಲಿಲ್ಲ
    ಬಿಗ್‌ ಬಾಸ್‌ ಮನೆಯಿಂದ ಬಂದ ನೀತು ಮಾತು ಡ್ರಾಮಾ ಮಾಡೋರ ಮುಖವಾಡ ಕಳಚುತ್ತೆ ಬಿಗ್‌ ಬಾಸ್‌ ಮನೆಗೆ ನೀತು ಎಂಟ್ರಿಕೊಟ್ಟಾಗ ಈ ಹುಡುಗಿ ಹೆಚ್ಚೆಂದರೆ ಮೂರು ವಾರ ಇರಬಹುದು ಎಂದು ಅನೇಕರು ಅಂದುಕೊಂಡರು. ಮನೆಯೊಳಗೆ ಹೋದ ಮೇಲೆ ಬರು ಬರುತ್ತಾ ಇತರ ಸ್ಪರ್ಧಿಗಳಿಗೆ ನೀತು ಕಠಿಣ ಸ್ಪರ್ಧಿಯಾಗಿಯೂ, ಮೂಗಿನ ಮೇಲೆ ಕೋಪ ಇರೋ ಹುಡುಗಿಯಾಗಿಯೂ ಕಂಡರು. ಹಾಗಾಗಿ ನಾಮಿನೇಟ್‌ ಮಾಡುತ್ತಲೇ ಬಂದರು. ಆದರೆ, ನೀತುನಾ ಜನ ಕೈಬಿಡಲಿಲ್ಲ. 11 ವಾರ ಬಿಗ್‌ಬಾಸ್‌ ಮನೆಯಲ್ಲಿ ಉಳಿಸಿದರು. ಈಗ 11 ವಾರ ಪೂರೈಸಿದ ನೀತು 'ಬಿಗ್‌ ಬಾಸ್‌' ಮನೆಯಿಂದ ಹೊರಬಂದಿದ್ದಾರೆ. ಅಲ್ಲಿನ ಅನುಭವವನ್ನು ನೀತು ಉದಯವಾಣಿ ಜೊತೆ ಹಂಚಿಕೊಂಡಿದ್ದಾರೆ. * ಹೇಗಿತ್ತು 'ಬಿಗ್‌ ಬಾಸ್‌' ಮನೆಯ ಅನುಭವ? - ಅದೊಂದು ಒಳ್ಳೆಯ ಅನುಭವ. ನಾನು ತಗೊಂಡ ಒಳ್ಳೆಯ ನಿರ್ಧಾರ ಅದು. ಈ ಮುನ್ನ ಮೊದಲ ಸೀಸನ್‌ಗೂ ಆಫ‌ರ್‌ ಬಂದಿತ್ತು. ಆಗ ಹೋಗಿರಲಿಲ್ಲ. ಈ ಬಾರಿ ಹೋಗಿ ಬಂದಿದ್ದೇನೆ. ತುಂಬಾ ಕಲಿತೆ ಕೂಡಾ. * ಈ ವಾರ ಹೊರಬರಿ¤àನಿ ಅಂದೊRಂಡಿದ್ರಾ? - ಖಂಡಿತಾ ಇಲ್ಲ. ನನ್ನ ಪ್ರಕಾರ ನಾನು ತುಂಬಾ ಸ್ಟ್ರಾಂಗ್‌ ಸ್ಪರ್ಧಿ. ಫೈನಲ್‌ವರೆಗಾದರೂ ಬರುತ್ತೇನೆ ಎಂಬ ವಿಶ್ವಾಸವಿತ್ತು. ಆದರೆ 75 ದಿನ ಪೂರೈಸಿದೆ. ಆ ಮನೆಯಲ್ಲಿ 11 ವಾರ ಪೂರೈಸೋದು ಸುಲಭವಲ್ಲ. ಆ ಬಗ್ಗೆ ನನಗೆ ಖುಷಿ ಇದೆ. * ಹೊರ ಬರೋಕೆ ಬಲವಾದ ಕಾರಣ? - ವೋಟ್ಸ್‌. ಬರೀ ವೋಟ್ಸ್‌ನಿಂದ ಎಲಿಮಿನೇಶನ್‌ ನಡೆಯುತ್ತದೆ. ಈ ಬಾರಿ ನನಗೆ ಸ್ವಲ್ಪ ಕಡಿಮೆ ವೋಟ್‌ ಬಿದ್ದಿರಬಹುದು. 11 ವಾರ ಜನ ನನ್ನನ್ನು ಸೇವ್‌ ಮಾಡಿಕೊಂಡು ಬಂದಿದ್ದಕ್ಕೆ ಥ್ಯಾಂಕ್ಸ್‌. * ಆ ಮನೇಲಿ ತುಂಬಾ ಡ್ರಾಮಾ ಮಾಡೋರ್ಯಾರು? - ಶ್ವೇತಾ ಚಂಗಪ್ಪ. ಅವರು ಮುಖವಾಡದಿಂದಲೇ ಬದುಕುತ್ತಿದ್ದಾರೆ. ಹಾಗೆ ನೋಡಿದರೆ ನಾನು ಅವರು ಒಳ್ಳೆಯ ಗೆಳತಿ. ಆದರೆ, 'ಬಿಗ್‌ ಬಾಸ್‌' ಮನೆಯಲ್ಲಿ ನಾನು ಅವರಿಗೆ ಕಠಿಣ ಸ್ಪರ್ಧಿ ಎನಿಸಿ ನನ್ನಿಂದ ಡಿಸ್ಟೆನ್ಸ್‌ ಮೆಂಟೇನ್‌ ಮಾಡುತ್ತಿದ್ದರು. ಯಾರ ಜೊತೆ ಹೇಗಿರಬೇಕು, ಹೇಗೆ ವರ್ತಿಸಬೇಕೆಂದು ಸಿದ್ಧರಾಗಿಯೇ ಅವರು ಬಂದಿದ್ದರು. * ನಿಮ್ಮನ್ನು ಟಾರ್ಗೆಟ್‌ ಮಾಡಿದ್ರು ಅನಿಸ್ತಾ? - ಯೆಸ್‌, ಅನೇಕರಿಗೆ ನನ್ನ ಮೇಲೆ ಬೇಸರವಿತ್ತು. ನನಗೆ ಸಿಟ್ಟು ಜಾಸ್ತಿ ಎನ್ನುತ್ತಿದ್ದರು. ಅದಕ್ಕಿಂತ ಹೆಚ್ಚಾಗಿ ನಾನು ನೇರವಾಗಿ ಮಾತನಾಡುತ್ತಿದ್ದೆ. ಮುಖವಾಡ ಹಾಕಿ ಡ್ರಾಮಾ ಮಾಡಲಿಲ್ಲ. ಅದು ಅನೇಕರಿಗೆ ಬೇಸರ ತಂದಿತ್ತು. ನನಗೆ ಸಿಟ್ಟು ಯಾಕೆ ಬರುತ್ತೆ ಅನ್ನೋದನ್ನು ಯಾರೂ ಅರ್ಥಮಾಡಿಕೊಳ್ಳಲಿಲ್ಲ. ಬರೀ ನನ್ನ ರಿಯಾಕ್ಷನ್‌ ಬಗ್ಗೆಯೇ ಎಲ್ಲರೂ ಮಾತನಾಡಿದರೆ ಹೊರತು ಅವರ ಆ್ಯಕ್ಷನ್‌ ಬಗ್ಗೆ ಯೋಚನೆ ಮಾಡಲಿಲ್ಲ. ಹೀಗಾಗಿ ನೀತುಗೆ ಮೂಗಿನ ತುದಿಯಲ್ಲಿ ಕೋಪ ಎನ್ನುತ್ತಾ ನನ್ನನ್ನು ಟಾರ್ಗೆಟ್‌ ಮಾಡಿದರು. * ಗುರುಪ್ರಸಾದ್‌ ಬಗ್ಗೆ ಹೇಳಿ? - ಗುರುಪ್ರಸಾದ್‌ ಇಂಟಲಿಜೆಂಟ್‌ ವ್ಯಕ್ತಿ. ತಮ್ಮ ವ್ಯಕ್ತಿತ್ವವನ್ನು ಉಳಿಸಿಕೊಂಡಿದ್ದಾರೆಂಬ ಖುಷಿ ಇದೆ. ಅದು ಬಿಟ್ಟರೆ ಡಿಕೋಡಿಂಗ್‌ ಮಾಡುತ್ತಿರುತ್ತಾರೆ. ಅವರ ಡಿಕೋಡಿಂಗ್‌ ಯಾವತ್ತು ಉಲ್ಟಾ ಆಗುತ್ತೋ ಗೊತ್ತಿಲ್ಲ. * ಆ ಮನೆಯಿಂದ ಕಲಿತಿದ್ದೇನು? - ಬೇರೆ ಬೇರೆ ಮೈಂಡ್‌ಸೆಟ್‌ನ 14 ಮಂದಿಯ ನಡುವೆ ಬದುಕಿದ ಮೇಲೆ ವಿಶ್ವದ ಯಾವ ಮೂಲೆಯಲ್ಲಾದರೂ ಬದುಕುತ್ತೇನೆಂಬ ವಿಶ್ವಾಸ ಬಂದಿದೆ. 'ಬಿಗ್‌ ಬಾಸ್‌'ಗೆ ಹೋಗಿ ಬಂದ ಮೇಲೆ ನನ್ನಲ್ಲಿ ಅನೇಕ ಬದಲಾವಣೆಗಳಾಗಿರುವುದು ನಿಜ. *ಆ ಮನೆಯಲ್ಲಿ ನಿಮಗಾದ ಕೆಟ್ಟ ಅನುಭವ? - ಬ್ಯಾಡ್‌ ಎಕ್ಸ್‌ಪಿರಿಯನ್ಸ್‌ ಅನ್ನೋದಕ್ಕಿಂತ ನನ್ನನ್ನು ಅರ್ಥ ಮಾಡಿಕೊಳ್ಳಲಿಲ್ಲ ಎಂಬ ಬೇಸರವಿದೆ. ಬರೀ ನೀತುಗೆ ಸಿಟ್ಟು ಜಾಸ್ತಿ ಎಂದರೆ ಹೊರತು ಯಾಕೆ ಬರುತ್ತೆ ಎಂದು ಕೇಳಲಿಲ್ಲ. ಅದು ಬಿಟ್ಟರೆ, ನಾನು ಶಕೀಲಾ ಅವರ ಬಗ್ಗೆ ತುಂಬಾ ಗೌರವಿಟ್ಟುಕೊಂಡಿದ್ದೆ. ಆದರೆ, ಅವರು ನನ್ನ ಬಗ್ಗೆ ಹಿಂದಿನಿಂದ ಮಾತನಾಡಿದರು. * ನಿಮ್ಮ ಮತ್ತು ಆದಿ ಫ್ರೆಂಡ್‌ಶಿಪ್‌ ಬಗ್ಗೆ ಹೇಳಿ? - ಹೀ ಈಸ್‌ ಎ ಟ್ರೂ ಮ್ಯಾನ್‌. ನನ್ನನ್ನು ಅರ್ಥಮಾಡಿಕೊಂಡ ಏಕೈಕ ವ್ಯಕ್ತಿ ಅವರು. ನನಗೆ ಬೇಸರ ಆಗಲು ಬಿಡಲೇ ಇಲ್ಲ. ಮಗು ಥರಾ ನೋಡಿಕೊಂಡರು. ಒಂದು ಟಾಸ್ಕ್ನಲ್ಲಿ ನಾನು ಸ್ವಿಮ್ಮಿಂಗ್‌ಫ‌ೂಲ್‌ನಲ್ಲಿ ಇಳಿಯಬೇಕಿತ್ತು. ಫ‌ೂಲ್‌ನಿಂದ ಮೇಲೆ ಬರುವಾಗ ಟವೆಲ್‌ ಹಿಡಿದು ನಿಂತಿದ್ದರು. ಯಾರು ಏನು ಬೇಕಾದರು ಅಂದುಕೊಳ್ಳಬಹುದು ಅವರು ನನ್ನ ಒಳ್ಳೆಯ ಸ್ನೇಹಿತ, ಫ್ಯೂರ್‌ ಫ್ರೆಂಡ್‌. * ನಿಮ್ಮ ಬರ್ತ್‌ಡೇಗೇ ಆದಿ ಸಸ್ಪೆನ್ಸ್‌ ಗಿಫ್ಟ್ ಕೊಟ್ಟಿದ್ರು? - ತುಂಬಾ ಖುಷಿಯಾಯಿತು. ಅದೊಂದು ದಿನ ತಮಾಷೆಗೆ ನನ್ನ ಫೋಟೋ ಗಿಫ್ಟ್ ಮಾಡು ಅಂದಿದ್ದೆ. ಯಾಕಂದ್ರೆ 'ಬಿಗ್‌ ಬಾಸ್‌' ಮನೆಯಲ್ಲಿ ಅವೆಲ್ಲ ಕೊಡಲ್ಲ ಅನ್ನೋ ಕಾರಣಕ್ಕೆ. ಆದರೆ, ಆದಿ ಬಿಗ್‌ಬಾಸ್‌ನಲ್ಲಿ ರಿಕ್ವೆಸ್ಟ್‌ ಮಾಡಿ ಫೋಟೋಫ್ರೆàಮ್‌, ರೋಸ್‌ ಎಲ್ಲಾ ಕಳುಹಿಸಿಕೊಟ್ಟಿದ್ದರು. * ಕೊನೆಯವರೆಗೆ ಸೇಫ್ ಗೇಮ್‌ ಆಡೋರ್ಯಾರು? - ಸೃಜನ್‌ ಲೊಕೇಶ್‌, ಶ್ವೇತಾ ಚಂಗಪ್ಪ, ಅನುಪಮಾ ತುಂಬಾ ಸೇಫ್ ಗೇಮ್‌ ಆಡುತ್ತಿದ್ದಾರೆ. ಮುಖವಾಡ ಹಾಕಿಕೊಂಡು ಆಟವಾಡುತ್ತಿದ್ದಾರೆ. * 'ಬಿಗ್‌ ಬಾಸ್‌'ನಿಂದ ನಿಮಗೆ ಎಷ್ಟರಮಟ್ಟಿಗೆ ಪ್ಲಸ್‌ - ತುಂಬಾ ಪ್ಲಸ್‌. ನನ್ನನ್ನು ನಾನು ಹಾಗೂ ಇತರರನ್ನು ಅರ್ಥಮಾಡಿಕೊಳ್ಳಲು 'ಬಿಗ್‌ ಬಾಸ್‌' ಸಹಾಯವಾಯಿತು. ನಾನು ತೆಗೆದುಕೊಂಡ ಒಳ್ಳೆಯ ನಿರ್ಧಾರ ಕೂಡಾ ಇದು. * ನಿಮ್ಮನ್ನು ಫೈಟರ್‌ ಅಂತಿದ್ರು? - ಹೌದು, ಆ ಬಗ್ಗೆ ನನಗೆ ಬೇಸರವಿಲ್ಲ. ನಾನು ಒಳ್ಳೆಯ ವಿಷಯಕ್ಕಾಗಿ ಫೈಟ್‌ ಮಾಡುತ್ತಿದ್ದೆ. ನನಗೆ ಆಗದ್ದನ್ನು ನೇರವಾಗಿ ಹೇಳುತ್ತಿದ್ದೆ. ಅದಕ್ಕೆ ಫೈಟರ್‌ ಎನ್ನುತ್ತಿದ್ದರು. * ಸೀಕ್ರೇಟ್‌ ರೂಂ ಅನುಭವ ಹೇಗಿತ್ತು? - ಅದು ತುಂಬಾ ಚಾಲೆಂಜಿಂಗ್‌ ಆಗಿತ್ತು. ನನ್ನ ಶಕ್ತಿ ಏನೆಂಬುದನ್ನು ನಾನು ತಿಳಿಯಲು ಇದು ಸಹಾಯವಾಯಿತು.

    » Read more..

  •   ಸ್ಮಗ್ಲರ್‌ ಹುಡುಗಿಯ ಕ್ವಿಜ್‌ ಅಂಡ್‌ ಗಿಫ್ಟ್
    ಸ್ಟೇಜ್‌ ಮೇಲೆ ಫ‌ಸ್ಟ್‌ ಟೈಮ್‌ ಹಾಡ್ತಾರೆ ಪ್ರಿಯಾ ಹಾಸನ್‌ 'ಸ್ಮಗ್ಲರ್‌' ಹುಡುಗಿ ಪ್ರಿಯಾ ಹಾಸನ್‌ ಈಗ ಹ್ಯಾಪಿ ಮೂಡ್‌ನ‌ಲ್ಲಿದ್ದಾರೆ. ಆ ಸಂತೋಷಕ್ಕೆ ಕಾರಣ, ಅವರು ಮೊದಲ ಸಲ ಹಾಡಿದ ಹಾಡಿಗೆ ರೆಬೆಲ್‌ಸ್ಟಾರ್‌ ಅಂಬರೀಶ್‌ ಮೆಚ್ಚಿಕೊಂಡು ಪ್ರತಿಕ್ರಿಯೆ ನೀಡಿದ್ದು, ಅಷ್ಟೇ ಅಲ್ಲ, ಸಂಗೀತ ನಿರ್ದೇಶಕರು, ಹಲವು ನಿರ್ದೇಶಕರುಗಳಿಂದ ಬಂದ ಮೆಚ್ಚುಗೆ ಮಾತುಗಳು. ಅವೆಲ್ಲಾ ಇರಲಿ, ಈಗ ಪ್ರಿಯಾ ಹಾಸನ್‌ ಮೊದಲ ಸಲ ಸ್ಟೇಜ್‌ ಮೇಲೆ ಹಾಡೋಕೆ ರೆಡಿಯಾಗಿದ್ದಾರೆ! ಹೌದು, 'ಸ್ಮಗ್ಲರ್‌'ನಲ್ಲಿ ಫ‌ಸ್ಟ್‌ ಟೈಮ್‌ ಹಾಡಿರುವ ಪ್ರಿಯಾ, ಈಗ ಸಾರ್ವಜನಿಕರ ಮುಂದೆ ಹಾಡಿ ಸೈ ಎನಿಸಿಕೊಳ್ಳೋ ಪ್ರೋಗ್ರಾಮ್‌ ಹಾಕಿಕೊಂಡಿದ್ದಾರೆ. ಅವರು ಹಾಡಿರುವ ಹಾಡಿನ ವೀಡಿಯೋ ಮತ್ತು ಚಿತ್ರದ ಪ್ರೋಮೋ ಲಾಂಚ್‌ ಮಾಡಲು ತುದಿಗಾಲ ಮೇಲೆ ನಿಂತಿರುವ ಪ್ರಿಯಾ ಹಾಸನ್‌, ದೊಡ್ಡ ಮಾಲ್‌ವೊಂದರಲ್ಲಿ ಕಲರ್‌ಫ‌ುಲ್‌ ಸೆಟ್‌ ಹಾಕಿ ಸ್ಟೇಜ್‌ಮೇಲೆ ಲೈವ್‌ ಪೋÅಗ್ರಾಮ್‌ ಕೊಡುತ್ತಿದ್ದಾರೆ. ಅಂದು ಹಾಡಿನ ವೀಡಿಯೋ, ಪ್ರೋಮೋ ಲಾಂಚ್‌ ಮಾಡುವುದಷ್ಟೇ ಅಲ್ಲ, ಚಿತ್ರರಂಗ ಹಾಗು 'ಸ್ಮಗ್ಲರ್‌' ಕುರಿತು ಹತ್ತು ಪ್ರಶ್ನೆಗಳನ್ನು ಸಾರ್ವಜನಿಕರಿಗೆ ಕೇಳುತ್ತಿದ್ದು, ಅದಕ್ಕೆ ಸರಿ ಉತ್ತರ ನೀಡಿದವರನ್ನು ವೇದಿಕೆಗೆ ಕರೆಸಿ, ಅಲ್ಲಿಯೇ ವಿಶೇಷ ಗಿಫ್ಟ್ವೊಂದನ್ನು ಕೊಡುವ ಉದ್ದೇಶ ಇಟ್ಟುಕೊಂಡಿದ್ದಾರೆ. ಮಾಲ್‌ನಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಅವರು ಹಾಡುವುದರ ಜತೆಯಲ್ಲಿ ಒಂದಷ್ಟು ಗಾಯಕರನ್ನೂ ಕರೆಯಿಸಿ, ಅಂದು 'ಸ್ಮಗ್ಲರ್‌' ಚಿತ್ರದ ಹಾಡುಗಳನ್ನು ಹಾಡಿಸಲಿದ್ದಾರಂತೆ. ಇಷ್ಟಕ್ಕೂ ಪ್ರಿಯಾ ಹಾಸನ್‌ ಲೈವ್‌ ಆಗಿ ಇದೇ ಮೊದಲ ಸಲ ಸಾರ್ವಜನಿಕರ ಎದುರು ಹಾಡೋಕೆ ರೆಡಿಯಾಗಿದ್ದು, ಇಂಡಸ್ಟ್ರಿಯ ಕೆಲವರು ಅವರ ಹಾಡನ್ನು ಮೆಚ್ಚಿ ಬೆನ್ನುತಟ್ಟಿದ್ದಕ್ಕಂತೆ. ಜೋಗಿ ಪ್ರೇಮ್‌, ಅರ್ಜುನ್‌ ಜನ್ಯ, ವಿ.ಮನೋಹರ್‌, ಬಿ.ಸುರೇಶ ಸೇರಿದಂತೆ ಅನೇಕರು ಪ್ರಿಯಾ ಹಾಡನ್ನು ಮೆಚ್ಚಿದ್ದಾರೆ. ಅದೇ ಖುಷಿಗೆ ಸ್ಟೇಜ್‌ ಮೇಲೆ ಶೋ ಕೊಡಲು ತೀರ್ಮಾನಿಸಿದ್ದಾರೆ ಪ್ರಿಯಾ. ಅಂದಹಾಗೆ, 'ಸ್ಮಗ್ಲರ್‌' ರಿಲೀಸ್‌ಗೆ ರೆಡಿಯಾಗಿದ್ದು, ಎಲ್ಲವೂ ಅಂದುಕೊಂಡಂತೆ ಸರಿಯಾಗಿ ನಡೆದರೆ, ದೀಪಾವಳಿ ಹಬ್ಬಕ್ಕೆ ಪಟಾಕಿ ಸಿಡಿದಂತೆ ಸಿಡಿಯಲು ರೆಡಿಯಾಗಿದ್ದಾರೆ.

    » Read more..

  •   ಮಾಸ್ಟರ್‌ ಚಿರಂಜೀವಿ ಈಗ ಗೌಡ್ರ ಮಗ
    ದಿನದಿಂದ ದಿನಕ್ಕೆ ಮಕ್ಕಳ ಸಿನಿಮಾ ಮಾಡುವವರ ಸಂಖ್ಯೆ ಹೆಚ್ಚುತ್ತಿದೆ. ಈಗ ಅದಕ್ಕೆ ಹೊಸ ಸೇರ್ಪಡೆ 'ಗೌಡ್ರ ಮಗ'. ಇದು ಹೊಸಬರ ಚಿತ್ರ. ಶ್ರೀಶೈಲ ಎನ್ನುವವರು ಈ ಸಿನಿಮಾ ನಿರ್ದೇಶಕರು. ಸಿನಿಮಾದ ಕ್ರೇಜ್‌ಗಾಗಿ ಇಂಜಿನಿಯರಿಂಗ್‌ ಪದವಿಗೆ ಗುಡ್‌ಬೈ ಹೇಳಿ ಸಿನಿಮಾ ಮಾಡಲು ಬಂದಿದ್ದಾರೆ. ಒಂದಷ್ಟು ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ದುಡಿದ ಶ್ರೀಶೈಲ ಕೆಲ ಚಿತ್ರಗಳಲ್ಲಿ ಸಣ್ಣಪುಟ್ಟ ಪಾತ್ರ ಕೂಡಾ ಮಾಡಿದ್ದಾರಂತೆ. ಮಕ್ಕಳ ಚಿತ್ರಕ್ಕೆ ಕಮರ್ಷಿಯಲ್‌ ಟಚ್‌ ಕೊಟ್ಟು ಮಾಡುವ ಉದ್ದೇಶ ಶ್ರೀಶೈಲ ಅವರದು. ಸಾಮಾನ್ಯವಾಗಿ ಡಾಕ್ಟರ್‌ ಮಗ ಡಾಕ್ಟರ್‌ ಆಗೋದು, ನಟನ ಮಗ ನಟನಾಗುವುದು, ಉದ್ಯಮಿಯ ಮಗ ಉದ್ಯಮವನ್ನೇ ನೆಚ್ಚಿಕೊಳ್ಳುವುದೆÇÉಾ ಸಾಮಾನ್ಯ. ಅದೇ ರೀತಿ ಹಳ್ಳಿಗಳ ಕಡೆ ಊರ ಗೌಡನ ಮಗ ಊರಗೌಡನೇ ಆಗಬೇಕೆಂಬ ಕಟ್ಟುಪಾಡೂ ಇದೆ. ಆದರೆ, 'ಗೌಡ್ರ ಮಗ' ಚಿತ್ರದಲ್ಲಿ ಗೌಡನ ಮಗನನ್ನು ಬೇರೆ ಹಾದಿಯಲ್ಲಿ ಮುನ್ನಡೆಸುವ ಕಥೆಯನ್ನೊಳಗೊಂಡಿದೆಯಂತೆ. ಟಿ.ವೆಂಕಟೇಶ್‌ ಗೌಡ ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರದ ಪ್ರಧಾನ ಪಾತ್ರದಲ್ಲಿ ಬಾಲನಟ ಚಿರಂಜೀವಿ ನಟಿಸುತ್ತಿದ್ದಾರೆ. ಈಗಾಗಲೇ 'ಸಾರಥಿ', 'ಭೀಮಾತೀರದಲ್ಲಿ' ಸೇರಿದಂತೆ ಅನೇಕ ಚಿತ್ರಗಳಲ್ಲಿ ನಟಿಸಿರುವ ಚಿರಂಜೀವಿಗೆ ಇಲ್ಲಿ ಮತ್ತೂಮ್ಮೆ ಪ್ರಧಾನ ಪಾತ್ರ ಸಿಕ್ಕಿದೆ. ಊರಗೌಡನ ಪಾತ್ರದಲ್ಲಿ ಶರತ್‌ ಲೋಹಿತಾಶ್ವ ಕಾಣಿಸಿಕೊಳ್ಳಲಿದ್ದಾರಂತೆ. ಚಿತ್ರಕ್ಕೆ ಸುಶೀಲ್‌ ಮುಖರ್ಜಿ ಸಂಗೀತ, ಸುದೀಪ್‌ ರಾಯ್‌ ಸಂಕಲನ ಚಿತ್ರಕ್ಕಿದೆ.

    » Read more..