Udayavani Entertainment 
Udayavani : Karnataka Most Honored Indian Newspaper Published From South India

  •   ಕನ್ನಡಕ್ಕೆ ಬಂದ ಭಾನುಶ್ರೀ ಮೆಹ್ರಾ
    'ಡೀಲ್‌ ರಾಜ'ನ ಜತೆ ಡಿಂಗುಡಾಂಗು! ಕನ್ನಡದಲ್ಲಿ ಪರಭಾಷೆ ನಟಿಯರ ಕಾರುಬಾರು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಆ ಸಾಲಿಗೆ ಇದೀಗ ಮತ್ತೂಬ್ಬ ಪರಭಾಷೆ ನಟಿಯ ಆಗಮನವಾಗಿದೆ. ಈಗಾಗಲೇ ಹಲವು ರಾಜ್ಯಗಳಿಂದ ಆಗಮಿಸಿರುವ ಅನೇಕ ನಟಿಮಣಿಗಳು ಕನ್ನಡದಲ್ಲೊಂದಷ್ಟು ಸದ್ದು ಮಾಡಿದ್ದಾಗಿದೆ. ಅವರೊಂದಿಗೆ ಪಂಜಾಬಿ ಬೆಡಗಿ ಭಾನುಶ್ರೀ ಮೆಹ್ರಾ ಕೂಡ ಹೊಸ ಸೇರ್ಪಡೆಯಾಗುವ ಖುಷಿಯಲ್ಲಿದ್ದಾಳೆ. ಅಂದಹಾಗೆ, ಇದೇ ಮೊದಲ ಬಾರಿಗೆ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟಿರುವ ಭಾನುಶ್ರೀ ಮೆಹ್ರಾಗೆ ಸಿನಿಮಾ ರಂಗ ಹೊಸದೇನಲ್ಲ. ಪಂಜಾಬಿ ಭಾಷೆಯ ಮೂರು ಚಿತ್ರಗಳಲ್ಲಿ ನಟಿಸಿರುವ ಭಾನುಶ್ರೀ, ಬಾಲಿವುಡ್‌ ಮತ್ತು ಟಾಲಿವುಡ್‌ನ‌ಲ್ಲಿ ಒಂದು ಇನ್ನಿಂಗ್ಸ್‌ ಶುರುಮಾಡಿದ್ದಾಗಿದೆ. ಈಗ ಕನ್ನಡದಲ್ಲಿ ತನ್ನ ಖಾತೆ ಆರಂಭಿಸುವ ಉತ್ಸಾಹದಲ್ಲಿದ್ದಾಳೆ. ಮೂರು ಭಾಷೆಯ ಒಟ್ಟು ಆರು ಚಿತ್ರಗಳಲ್ಲಿ ನಟಿಸಿರುವ ಭಾನುಶ್ರೀಗೆ ಕನ್ನಡ ಚಿತ್ರರಂಗದ ಮೇಲೆ ಸಾಕಷ್ಟು ಭರವಸೆ ಇದೆ. ಭಾನುಶ್ರೀ ಮೆಹ್ರಾ ಅಭಿನಯಿಸುತ್ತಿರುವ ಕನ್ನಡ ಚಿತ್ರದ ಹೆಸರು 'ಡೀಲ್‌ರಾಜ'. ಈ ಚಿತ್ರಕ್ಕೆ ಕೋಮಲ್‌ ಹೀರೋ. ಅವರಿಗೆ ನಾಯಕಿಯಾಗುವ ಮೂಲಕ ಕನ್ನಡಕ್ಕೆ ಕಾಲಿಟ್ಟ ಖುಷಿ ಭಾನುಶ್ರೀ ಮೆಹ್ರಾದು. 2008ರಲ್ಲಿ ತನ್ನ ಸಿನಿಪಯಣ ಶುರುಮಾಡಿದ ಭಾನುಶ್ರೀ, ಮೊದಲು ತನ್ನ ಖಾತೆ ಶುರುಮಾಡಿದ್ದು ಬಾಲಿವುಡ್‌ ಅಂಗಳದಲ್ಲಿ. 'ಬಚ್‌ನಾ ಹೇ ಹಸೀನೋ' ಚಿತ್ರದಲ್ಲಿ ನಟಿಸಿದ ಈಕೆ, ಮತ್ತೆ ಎಂಟ್ರಿಕೊಟ್ಟಿದ್ದು ತೆಲುಗು ಚಿತ್ರರಂಗಕ್ಕೆ. 2010ರಲ್ಲಿ ತೆರೆಕಂಡ ಅಲ್ಲು ಆರ್ಜುನ್‌ ಅಭಿನಯದ 'ವರುಡು' ಚಿತ್ರದಲ್ಲಿ ಈಕೆ ನಾಯಕಿಯಾಗಿ ಕಾಣಿಸಿಕೊಂಡಳು. ಆ ಚಿತ್ರ ಸಿಕ್ಕಾಪಟ್ಟೆ ಸೌಂಡು ಮಾಡಿದ್ದೇ ತಡ, ತೆಲುಗಿನಲ್ಲಿ ಒಂದಷ್ಟು ಅವಕಾಶಗಳು ಈಕೆಯನ್ನು ಹುಡುಕಿ ಬಂದದ್ದು ಸುಳ್ಳಲ್ಲ. 2012 ರಲ್ಲಿ 'ಡಿಂಗ್‌ಡಾಂಗ್‌ ಬೆಲ್‌' ಸಿನಿಮಾದಲ್ಲಿ 'ಬೆಲ್‌' ಹೊತ್ತಿದಳು. ಆ ಬೆಲ್‌ ಜೋರು ಸದ್ದು ಮಾಡಿದ ಬಳಿಕ ಮತ್ತೆ, 'ಪ್ರೇಮಥೋ ಚಪ್ಪನಾ', 'ಚಿಲ್‌ಕುರು ಬಾಲಾಜಿ','ಮಹಾರಾಜ ಶ್ರೀ ಗಾಲಿಗಡು', 'ಲಿಂಗುಡು-ರಾಮಲಿಂಗುಡು' ಚಿತ್ರಗಳು ಸೇರಿದಂತೆ, ಪಂಜಾಬ್‌ ಭಾಷೆಯ 'ಫೆರ್‌ ಮಾಮ್ಲ ಗಡ್‌ಬಡ್‌ ಗಡ್‌ಬಡ್‌' ಮತ್ತು 'ಹೋ ಮೈ ಪೊÂà' ಚಿತ್ರಗಳಲ್ಲಿ ನಟಿಸಿದ್ದಾಳೆ. ಕನ್ನಡದ 'ಡೀಲ್‌ ರಾಜ' ಚಿತ್ರದಲ್ಲಿ ಈಕೆಯದು ಬಬ್ಲಿ ಪಾತ್ರವಂತೆ. ಕನ್ನಡ ಚಿತ್ರಗಳ ಬಗ್ಗೆ ಸಾಕಷ್ಟು ತಿಳಿದುಕೊಂಡಿರುವ ಭಾನುಶ್ರೀಗೆ ಕನ್ನಡದಲ್ಲಿ ಒಳ್ಳೆಯ ಸಿನಿಮಾ ಮೂಲಕ ಎಂಟ್ರಿ ಕೊಡುವ ಆಸೆ ಇತ್ತಂತೆ. ಆ ಆಸೆ ಇದೀಗ 'ಡೀಲ್‌ ರಾಜ' ಮೂಲಕ ಈಡೇರಿದೆ ಎಂಬ ಖುಷಿ ಈಕೆಯದು. ಅದೇನೆ ಇರಲಿ, ಪಂಜಾಬ್‌ ಬೆಡಗಿ ಕನ್ನಡದ 'ಡೀಲ್‌' ಒಪ್ಪಿದ್ದಾಳೆ. ಮುಂದೆ ಕನ್ನಡದಲ್ಲಿ ಈಕೆ ಇನ್ನೆಂಥಾ ಡೀಲ್‌ಗ‌ಳನ್ನು ಮಾಡುತ್ತಾಳ್ಳೋ ಕಾದು ನೋಡಬೇಕು!

    » Read more..

  •   ನಿರ್ಮಾಪಕರಿಂದ 6 ಕೋಟಿ ಹಣ ಕಳೆದುಕೊಂಡಿದ್ದೇನೆ
    ಕೋಮಲ್‌ ಕನ್ನಡ ಚಿತ್ರರಂಗಕ್ಕೆ ಗುಡ್‌ಬೈ ಹೇಳ್ತಾರಾ? 'ನಮೋ ಭೂತಾತ್ಮ' ಚಿತ್ರದ ನಂತರ ಕೋಮಲ್‌ ಮುಂದಿನ ನಡೆ ಪ್ರಕಟ ನಟ-ನಿರ್ಮಾಪಕ ಕೋಮಲ್‌ ಕನ್ನಡ ಚಿತ್ರರಂಗದಿಂದ ದೂರವಾಗುತ್ತಾರಾ? ಅವರ ಮಾತು ಕೇಳಿದರೆ, ಕೋಮಲ್‌ ಕನ್ನಡ ಚಿತ್ರರಂಗವನ್ನು ತೊರೆಯುವ ನಿರ್ಧಾರಕ್ಕೆ ಬಂದಿರುವುದು ಸ್ಪಷ್ಟವಾಗುತ್ತದೆ. 'ನನ್ನದೊಂದು ಕೊನೆಯ ಪ್ರಯತ್ನವಿದೆ. ಅದೇನಾದರೂ ನನ್ನ ನಿರೀಕ್ಷೆ ಹುಸಿಗೊಳಿಸಿದರೆ, ನಾನು ಕನ್ನಡ ಚಿತ್ರರಂಗವನ್ನು ಬಿಡಬೇಕಾಗುತ್ತೆ. 'ನಮೋ ಭೂತಾತ್ಮ' ಸಿನಿಮಾವನ್ನ ಚೆನ್ನಾಗಿ ಮಾಡಿದ್ದೇನೆ. ನೋಡಿದವರು ಆ ಪ್ರಯತ್ನ ಸರಿಯಿಲ್ಲ ಅಂದರೆ, ಖಂಡಿತವಾಗಿಯೂ ನಾನು ಕನ್ನಡ ಚಿತ್ರರಂಗ ಬಿಟ್ಟು, ತಮಿಳು ಚಿತ್ರರಂಗದಲ್ಲೇ ಸೆಟ್ಲ ಆಗಬೇಕಾಗುತ್ತೇನೋ' ಎಂದು ಬೇಸರದ ಹೇಳಿಕೆ ಕೊಟ್ಟು ಮತ್ತೆ ಮೌನವಹಿಸಿದರು ಅವರು. ಇಷ್ಟಕ್ಕೂ ಕೋಮಲ್‌ ಈ ರೀತಿ ಹೇಳ್ಳೋಕೆ ಕಾರಣವೇನು? ಈ ಪ್ರಶ್ನೆಗೆ, ಮೆಲುದನಿಯಲ್ಲೇ ಉತ್ತರಿಸುತ್ತಾರೆ ಕೋಮಲ್‌. 'ಯಾವ ಹೀರೋ ತಾನೇ ಸೋತಿಲ್ಲ. ನಾನೂ ಹಿಟ್‌ ಕೊಟ್ಟಿದ್ದೇನೆ. ಎಡವಿದ್ದೇನೆ, ಬಿದ್ದಿದ್ದೇನೆ, ಎದ್ದಿದ್ದೇನೆ. ನಾನು ಒಪ್ಪಿಕೊಳ್ಳುವ ಸಿನಿಮಾಗೆ ಮೊದಲು ಹಣ ಬೇಕು. ಕಥೆ ಎರಡನೆಯದ್ದು. ಚಿತ್ರರಂಗಕ್ಕೆ ಬಂದು 21 ವರ್ಷ ಆಗಿದೆ. ನನಗೆ ಸುಳ್ಳು ಹೇಳಿ ಬದುಕುವ ಅಗತ್ಯವಿಲ್ಲ. ವಿನಾಕಾರಣ ಸುಳ್ಳು ಹೇಳಿ ಸಿಕ್ಕಿ ಹಾಕಿಕೊಳ್ಳುವ ವ್ಯಕ್ತಿಯೂ ಅಲ್ಲ. ಇದುವರೆಗೆ ಬೇರೆಯವರ ಕಷ್ಟಕ್ಕೆ ಸ್ಪಂದಿಸಿದ್ದೇನೆ. ಎಷ್ಟೋ ಚಿತ್ರಗಳು ರಿಲೀಸ್‌ ಆಗೋಕೆ ಸಾಧ್ಯವೇ ಇಲ್ಲದಿದ್ದಾಗ, ನಾನು ನನ್ನ ಹಣ ಕೊಟ್ಟು ರಿಲೀಸ್‌ ಮಾಡಿಸಿದ್ದೇನೆ. ಇಲ್ಲೀವರೆಗೆ 6 ಕೋಟಿ ರೂ. ಕಳೆದುಕೊಂಡಿದ್ದೇನೆ. ಕೊಟ್ಟ ಹಣವೂ ವಾಪಾಸ್‌ ಬಂದಿಲ್ಲ. ಹೀಗಾಗಿ ನನಗೆ ನೋವಿದೆ. 'ಮಿಸ್ಟರ್‌ ಗರಗಸ' ಸಿನಿಮಾದಲ್ಲಿ ಒಳ್ಳೇ ಹಣ ಬಂತು. ಅದರಿಂದ ನನಗೇನೂ ಲಾಭ ಆಗಲಿಲ್ಲ. 'ಚಮ್ಕಾಯ್ಸಿ ಚಿಂದಿ ಉಡಾಯ್ಸಿ' ಚಿತ್ರದ ಚಿತ್ರೀಕರಣಕ್ಕೆ 36 ಜನರನ್ನು ಮಲೇಷ್ಯಾಗೆ ಕರೆದುಕೊಂಡು ಹೋಗಿದ್ದೆ. ಆ ವೇಳೆ 'ಆಪ್ತರಕ್ಷಕ' ಚಿತ್ರ ಒಪ್ಪಿಕೊಂಡಿದ್ದೆ. ಶೂಟಿಂಗ್‌ಗೆ ಬರೋಕ್ಕಾಗಲ್ಲ. ಬೇಕಾದರೆ, ಅಡ್ವಾನ್ಸ್‌ ವಾಪಾಸ್‌ ಕೊಡ್ತೀನಿ ಅಂದಿದ್ದೆ. ವಿಷ್ಣು ಸರ್‌ ಬೇಸರಿಸಿಕೊಂಡಿದ್ದರು. ವಾಸು ಸರ್‌ ಮಿಸ್‌ ಮಾಡ್ಕೊàಬೇಡಿ ಬನ್ನಿ ಒಳ್ಳೇ ಪಾತ್ರ ಇದೆ ಅಂದ್ರು. ಮಲೇಷ್ಯಾ ಶೂಟಿಂಗ್‌ ಪ್ಯಾಕಪ್‌ ಮಾಡಿ ಆ ಸಿನ್ಮಾದಲ್ಲಿ ನಟಿಸಿದೆ. ಹಿಸ್ಟರಿ ಆಯ್ತು. ಆದರೆ, ಪ್ಯಾಕಪ್‌ ಮಾಡಿಕೊಂಡು ಬಂದಾಗ ಲಕ್ಷಗಟ್ಟಲೆ ಲಾಸ್‌ ಆಯ್ತು...' ಎಂದು ನೆನಪಿಸಿಕೊಳ್ಳುತ್ತಾರೆ ಕೋಮಲ್‌. ಆ ನಂತರದ ದಿನಗಳಲ್ಲಿ ಏನೇನಾಯ್ತು ಎಂದು ಅವರು ಹೇಳುತ್ತಾ ಹೋದರು. 'ನಾನು ನಿರ್ಮಿಸಿದ 'ಕಳ್‌ಮಂಜ' ಮೂರು ಕೋಟಿ ಹಣ ಗಳಿಸಿತು. 'ಮರ್ಯಾದೆ ರಾಮಣ್ಣ' ಚಿತ್ರಕ್ಕೆ ನಾನೇ 75 ಲಕ್ಷ ರೂ. ಹಣ ಕೊಡಿಸಿದ್ದೆ. ಅದರ ಬಡ್ಡಿ ಕೂಡ ಕೊಡಲಿಲ್ಲ. ಅಲ್ಲೂ ನಷ್ಟವಾಯ್ತು. 'ಗೋವಿಂದಾಯ ನಮಃ' ಚಿತ್ರದ ವಿತರಣೆ ಹಕ್ಕನ್ನು ಎರಡು ಏರಿಯಾಗೆ ಬರೆಸಿಕೊಂಡಿದ್ದೆ. ಸೂಪರ್‌ ಹಿಟ್‌ ಆಯ್ತು. ಒಂದು ಕೋಟಿ ದುಡ್ಡು ಬಂತು. ಅದರಲ್ಲೂ ಹಣ ಕೇಳಿದ್ರು. ಗಲಾಟೆಯೂ ಆಯ್ತು. 'ಕರೋಡ್‌ಪತಿ'ಗೆ 16 ಲಕ್ಷ ಕೊಟ್ಟು ರಿಲೀಸ್‌ಗೆ ಹೆಲ್ಪ್ ಮಾಡಿದೆ. ಹಣ ಬರಲಿಲ್ಲ. ಫೈನಲಿ ಹಣಕ್ಕಾಗಿಯೇ ಕೆಲಸ ಮಾಡಬೇಕು ಅನ್ನೋ ಮನೋಭಾವ ಬಂತು. ನಾನು ಪ್ರೀತಿಯಿಂದ ಸಿನಿಮಾ ಮಾಡ್ತೀನಿ. ನನ್ನ ದುಡ್ಡು ಹಾಕಿ ಕಷ್ಟಕ್ಕೆ ಸ್ಪಂದಿಸುತ್ತೇನೆ. ಆದರೆ, ಇಲ್ಲಿ ನನಗೆ ಮೋಸ ಆಗುತ್ತಿದೆ ಅಥವಾ ನಾನೇ ಮೋಸ ಹೋಗುತ್ತಿದ್ದೇನೇನೋ ಎಂಬ ಭಯ ಕಾಡುತ್ತಿದೆ. ಹೀರೋ ಅಂದಮೇಲೆ ಸೋಲು-ಗೆಲುವು ಸಹಜ. ಸೋತಾಗ ಹೀರೋನೇ ಕಾರಣ, ಗೆದ್ದಾಗ ನಾವೆಲ್ಲರೂ ಕಾರಣ ಎಂಬ ಮನೋಭಾವ ಇಲ್ಲಿದೆ. ನಮ್ಮೂರಲ್ಲಿ ನಮಗೆ ಅಂಥಾ ಅವಕಾಶವಿಲ್ಲ. ಬೇರೆ ಊರಲ್ಲಿ ಕರೆದು ಅವಕಾಶ ಕೊಡುತ್ತಿದ್ದಾರೆ. ಅಷ್ಟೇ ಅಲ್ಲ, ಗುರುತ್ತಿಸುತ್ತಿದ್ದಾರೆ. ತಮಿಳಿನಲ್ಲಿ ಎರಡು ಸಿನಿಮಾ ಮಾಡಿದ್ದೇನೆ. ಸಂಭಾವನೆ ಪಡೆದಿಲ್ಲ. ಬದಲಾಗಿ ಕರ್ನಾಟಕ ವಿತರಣೆ ಹಕ್ಕು ಕೇಳಿದ್ದೇನೆ. ಅಲ್ಲಿ ಅವಕಾಶಗಳು ಹುಡುಕಿ ಬರುತ್ತಿವೆ. ಹಾಗಾಗಿ ಅಲ್ಲಿಗೇ ಹೋಗ್ತಿàನಿ' ಎನ್ನುವ ಮಾತಾಡುತ್ತಾರೆ ಕೋಮಲ್‌. ತಮಿಳಿಗೆ ಹೋದರೆ, ಅಲ್ಲಿ ಮೊದಲಿನಿಂದ ಚಿತ್ರಪಯಣ ಶುರು ಮಾಡಬೇಕೆಲ್ಲಾ ಎಂದರೆ, ಅದಕ್ಕೆ ತಾವು ಸಿದ್ಧವಿರುವುದಾಗಿ ಹೇಳುತ್ತಾರೆ ಕೋಮಲ್‌. 'ಇಲ್ಲಿ ನೂರು ಸಿನಿಮಾ ಮಾಡಿದ್ದರೂ ನಾನಿನ್ನೂ ಜೀರೋದಲ್ಲೇ ಇದ್ದೇನೆ. ಅಲ್ಲೂ ಕೂಡ ಈಗ ಜೀರೋದಿಂದಲೇ ಸಿನಿಮಾ ಜರ್ನಿ ಶುರುಮಾಡ್ತೀನಿ. ಕನ್ನಡ ಚಿತ್ರರಂಗದಲ್ಲಿ ಎಲ್ಲವೂ ಸರಿಯಿಲ್ಲ. ಹಾಗಂತ ನಾನೊಬ್ಬನೇ ಚಿತ್ರರಂಗವನ್ನ ಬದಲಾಯಿಸೋಕೆ ಸಾಧ್ಯವಿಲ್ಲ. ಗಾಳಿ ಬಂದಾಗ ತೂರಿಕೊಳ್ಳಬೇಕು ಎಂಬ ಸಿದ್ಧಾಂತಕ್ಕೆ ಬಂದಿದ್ದೇನೆ. ತಮಿಳು ಮಂದಿ ಗುರುತಿಸಿದ್ದಾರೆ. ಇಲ್ಲಿಯವರು ದೂಷಿಸುತ್ತಾರೆ. ಸಿನಿಮಾ ಸೋತೋಯ್ತು ಅಂದಾಗ, ಯಾರನ್ನ ದೂರಿದರೆ ಏನು ಪ್ರಯೋಜನ ಹೇಳಿ. 'ನಮೋ ಭೂತಾತ್ಮ' ಚಿತ್ರ ಚೆನ್ನಾಗಿ ಮೂಡಿಬಂದಿದೆ. ಆ ಸಿನಿಮಾ ಏನಾದರೂ ಉಲ್ಟಾ ಹೊಡೆದರೆ, ನಾನು ಖಂಡಿತ ಈ ಚಿತ್ರರಂಗದಲ್ಲಿ ಇರೋದಿಲ್ಲ' ಎನ್ನುತ್ತಾರೆ ಕೋಮಲ್‌. ಅದೇನೆ ಇರಲಿ, ಸೋತು, ಗೆದ್ದು ಒಂದು ಗಟ್ಟಿನೆಲೆ ಕಂಡುಕೊಂಡಿರುವ ಕೋಮಲ್‌ ಅಂತಹ ನಿರ್ಧಾರ ತೆಗೆದುಕೊಳ್ಳದಿರಲಿ ಮತ್ತು ಅವರ 'ನಮೋ ಭೂತಾತ್ಮ' ಅವರ ನಿರೀಕ್ಷೆ ಹುಸಿಮಾಡದಿರಲಿ.

    » Read more..

  •   ಘರ್ಜಿಸುವ ಸಿಂಹದ ಕಣ್ಣೀರ ನವರಾತ್ರಿ
    ಒಂದು ಕಾಲಕ್ಕೆ ಊರನ್ನೇ ಕಾಯುತ್ತಿದ್ದ ಯಜಮಾನ. ಈಗ ಅವನ ಮಗ ಸಾಮಾನ್ಯನಂತೆ ಜೀವನ ನಡೆಸುತ್ತಿದ್ದಾನೆ. ಹೆಸರು ಸಿಂಹಾದ್ರಿ.ಅವನಿಗೊಬ್ಬಳು ಜೀವದ ತಂಗಿ. ಹೆಸರು ನಂದಿನಿ. ಅಲ್ಲಲ್ಲೋ ಒಬ್ಬ ಶ್ರೀಮಂತ, ಸಿಂಹಾದ್ರಿಯ ತಂದೆಯಿಂದಲೇ ಅವನು ಉದ್ದಾರವಾಗಿದ್ದೇ. ಹಾಗಾಗಿ ಸಿಂಹಾದ್ರಿ ಅಂದರೆ ಇನ್ನಿಲ್ಲದ ಅಕ್ಕರೆ. ಆದರೆ ಆತನ ಅಳಿಯ ದುಷ್ಟ. ಊರಿನ ಹಾಲು ಉತ್ಪಾದಕರ ಸಂಘಕ್ಕೆ ಅಧ್ಯಕ್ಷನಾಗಿ ಅನ್ಯಾಯ ಮಾಡುವ ಆ ವ್ಯಕ್ತಿಗೂ ಸಿಂಹಾದ್ರಿಗೂ ಆಗಾಗ ಹಗ್ಗ ಜಗ್ಗಾಟ. ಈ ಜಟಾಪಟಿಗೆ ಹೊಸ ಕಾರಣವಾಗುವುದು ನಂದಿನಿಯ ಮದುವೆ. ಯಾವ ದುಷ್ಟ ವ್ಯಕ್ತಿಯನ್ನು ಎದುರು ಹಾಕಿಕೊಂಡಿದ್ದನೋ, ಅದೇ ಮನೆಗೆ ತನ್ನ ತಂಗಿಯನ್ನು ಸೊಸೆಯಾಗಿ ಕಳಿಸಿಕೊಟ್ಟರೆ ಪರಿಸ್ಥಿತಿ ಏನಾಗಬಹುದು. ಉಕ್ಕಿನ ಸರಳಿನಂಥ ನರಗಳೂ, ಕಬ್ಬಿಣದ ರಾಡಿನಂತ ತೋಳುಗಳೂ, ಕೆಂಡದುಂಡೆಯ ಕಣ್ಣುಗಳೂ ಸೇರಿ ಆಗಿರುವ ದುನಿಯಾ ವಿಜಯ್‌ ಅವರನ್ನು ನೀವು ಹೊಡೆದಾಡುವಾಗ ನೋಡಿರುತ್ತೀರಿ, ಹುಡುಗಿ ಹಿಂದೆ ಕುಣಿಯುವುದನ್ನು ನೋಡಿರುತ್ತೀರಿ. ಎಂದಾದರೂ ಮುದ್ದಿನ ತಂಗಿಗೋಸ್ಕರ ಕಣ್ಣೀರಿಡುವ ಅಣ್ಣನಾಗಿ ನೋಡಿದ್ದೀರಾ? ತಂಗಿಗೋಸ್ಕರ ಎಂಥ ಅವಮಾನವನ್ನೂ ಸಹಿಸಿಕೊಳ್ಳುವ ಪಾತ್ರದಲ್ಲಿ ಕಣ್ತುಂಬಿಕೊಂಡಿದ್ದೀರಾ? ತಂಗಿಯನ್ನು ಮದುವೆ ಮಾಡಿಕೊಟ್ಟು, ಪುಟ್ಟ ಮಕ್ಕಳಂತೆ ಕುಳಿತು ಬಿಕ್ಕಿಬಿಕ್ಕಿ ಅಳುವುದನ್ನು ನೋಡಿದ್ದೀರಾ? ಹಾಗಾದರೆ ನೀವು ಈ ಸಿನಿಮಾವನ್ನು ಮಿಸ್‌ ಮಾಡಿಕೊಳ್ಳಲೇಬಾರದು. ಓಡಿಸಿಕೊಂಡು ಬಂದು, ಹಿಡಿದು ಕುಳ್ಳಿರಿಸಿ ಎಣ್ಣೆ ಹಚ್ಚಿ ಸ್ನಾನ ಮಾಡಿಸುವ ತಂಗಿಗೆ ಅಪ್ಪಾಮ್ಮ ಇಲ್ಲದ ಮನೆಯಲ್ಲಿ ಈತನೊಬ್ಬನೇ ಅಣ್ಣ. ಅವನಿಗೆ ಮನೆ ಒಳಗೆ ಹಸುವಿನಂಥ ತಂಗಿ, ಮನೆ ಹೊರಗೆ ತಂಗಿಯಂಥ ಹಸುಗಳು, ತಮ್ಮನಂಥ ಹೋರಿ, ಅಮ್ಮನಂಥ ಗೋಮಾತೆಗಳು. ಎಲ್ಲವನ್ನೂ ಅವನು ಹೊಡೆದಾಡಿಯೋ, ಕೂಗಾಡಿಯೋ, ಪ್ರೀತಿ ಮಾಡಿಯೋ, ಕಾಲು ಹಿಡಿದೋ ಕಾಪಾಡುತ್ತಾನೆ. ಅಂಥ ಹಾಲುಹೃದಯದ ಅಣ್ಣನ ಕತೆ 'ಸಿಂಹಾದ್ರಿ'. ಶಿವಣ್ಣ ಮಾಡಿದ 'ತವರಿಗೆ ಬಾ ತಂಗಿ' ಥರದ ತಂಗಿ ಸೆಂಟಿಮೆಂಟ್‌ ಸಿನಿಮಾ, ನಟ ವಿಜಯ್‌ ಅವರಿಗಾಗಲೀ, ಅವರ ಪ್ರೇಕ್ಷಕರಿಗಾಗಲೀ ತೀರಾ ಹೊಸತು. ಆದರೆ, ತೀರಾ ಅಳಿಸುವಂತೆ ಅಭಿನಯಿಸಿ, ಸೆಂಟಿಮೆಂಟಲ್‌ ಆಗಿ ವಿಜಯ್‌ ಸೈ ಎನಿಸಿಕೊಂಡಿದ್ದಾರೆ. ಎಷ್ಟೋ ಕಡೆ ಅವರು ಬ್ಲಾಕ್‌ ಕೋಬ್ರಾ, ಫೈಟರ್‌ ಎನ್ನುವುದನ್ನೇ ಮರೆತು ನೀವು ಕಣ್ಣೀರು ಹಾಕಬೇಕಾಗುತ್ತದೆ. ಅಭಿನಯ ನೋಡಿ ಕಣ್ಣೀರು ಬರುವುದು ಅಂದರೆ ಇದೇ ಇರಬೇಕು. ಶಿವಮಣಿ ಈ ಚಿತ್ರವನ್ನು ಸಾಯಿಪ್ರಕಾಶ್‌ ಮಟ್ಟದ ಸೆಂಟಿಮೆಂಟ್‌ ಪಾಕದಲ್ಲಿ ಹದವಾಗಿ ಸಿದ್ಧಪಡಿಸಿ ಕೊಟ್ಟಿದ್ದಾರೆ. ತಂಗಿಯನ್ನು ಪ್ರೀತಿಸುವ ಅಣ್ಣ, ಬಸುರಿ ಸೊಸೆಯನ್ನು ಹಿಂಸಿಸುವ ಗಂಡನ ಮನೆಯವರು, ಗ್ಯಾಸ್‌ ಸಿಲಿಂಡರ್‌ ನ್ಪೋಟ, ಅಮಾಯಕ ಹೆಣ್ಮಗಳ ಜುಟ್ಟನ್ನು ಹಿಡಿದು ಅಟ್ಟಾಡಿಸಿಕೊಂಡು ಕೊಲ್ಲುವ ಪ್ರಯತ್ನ ಮಾಡುವ ದುರುಳ, ಮದುವೆ ಮತ್ತು ಸೀಮಂತಗಳ ಮಹಾ ಕಣ್ಣೀರೋತ್ಸವವನ್ನು ಇಲ್ಲಿ ಆಚರಿಸಿದ್ದಾರೆ. ನಿರ್ಮಾಪಕ ಕತೆ, ನಿರ್ದೇಶಕರ ಚಿತ್ರಕತೆ ಮತ್ತು ನಟ ಮೋಹನ್‌ ಅವರ ಸಂಭಾಷಣೆಯಲ್ಲಿ 'ಸಿಂಹಾದ್ರಿ', ಧೋ ಮಳೆ ಸುರಿವ ದುಃಖದ ಕೊಡಚಾದ್ರಿ. ದೊಡ್ಡ ಕರ್ಚಿàಫ‌ು ಮತ್ತು ದೊಡ್ಡ ಮನಸ್ಸು ಇಟ್ಟುಕೊಂಡೇ ಈ ಸಿನಿಮಾ ವೀಕ್ಷಿಸಲು ಹೋಗಿ. ವಿಜಯ್‌ ಅಣ್ಣನಾಗಿ ಕಣ್ಣೀರಾದರೆ ಸೌಂದರ್ಯ ಜಯಮಾಲಾ ಗಂಡುಬೀರಿ ಹೆಣ್ಣು ಮಗಳಾಗಿ ತಮಾಷೆ ಮಾಡಿದ್ದಾರೆ. ಹಸುವನ್ನು ಎತ್ತಿಗೆ ಬಿಡುವಂಥ ವಯಸ್ಕರ ಜೋಕಿನಿಂದ, ಗಂಡನ ತಂಗಿಯನ್ನು ಕೊಂಡಾಡಿ ಸಲಹುವ ಅತ್ತಿಗೆತನಕ ಸೌಂದರ್ಯ, ಗಮನಾರ್ಹ ಮತ್ತು ಅನಿವಾರ್ಯ. ರಾಧಿಕಾ ನಂತರ ಕನ್ನಡಕ್ಕೆ ಮತ್ತೂಬ್ಬಳು ಮುದ್ದಾದ (ಅಳುವಾಗಲೂ) ತಂಗಿ ಸಿಕ್ಕುರುವುದೆಂದರೆ ಐಶ್ವರ್ಯ. ಉಳಿದಂತೆ ಖಳಪಾತ್ರದಲ್ಲಿ ಸುಚೇಂದ್ರ ಪ್ರಸಾದ್‌ ಅದ್ಭುತ. ಸ್ಟಂಟ್‌ಗಳಲ್ಲಿ ಕೌರವ ವೆಂಕಟೇಶ್‌ ಗಮನಾರ್ಹ. ಒಂದೆರಡು ಹಾಡು ಮತ್ತು ರಿರೆಕಾರ್ಡಿಂಗ್‌ನಲ್ಲಿ ಅರ್ಜುನ್‌ ಜನ್ಯ ಉಪಸ್ಥಿತರಿದ್ದಾರೆ. ಚಿತ್ರ: ಸಿಂಹಾದ್ರಿ ನಿರ್ಮಾಪಕರು: ಆರ್‌ ಎಸ್‌ ಗೌಡ ನಿರ್ದೇಶನ: ಶಿವಮಣಿ ತಾರಾಗಣ: ವಿಜಯ್‌, ಸೌಂದರ್ಯ, ಐಶ್ವರ್ಯ, ಸುಚೇಂದ್ರ ಪ್ರಸಾದ್‌, ರಮೇಶ್‌ ಭಟ್‌, ಮಲವಳ್ಳಿ ಸಾಯಿಕೃಷ್ಣ ಮತ್ತಿತರರು. - ವಿಕಾಸ ನೇಗಿಲೋಣಿ

    » Read more..

  •   ಚಂದ್ರಶೇಖರ್‌ ಶ್ರೀವಾತ್ಸವ್ಸ್‌ 'ಸೆವೆನ್‌'
    ಆಗ ನಿರ್ದೇಶಕ; ಈಗ ನಿರ್ದೇಶಕ ಪ್ಲಸ್‌ ನಾಯಕ 'ಪಟ್ರೆ ಲವ್ಸ್‌ ಪದ್ಮ' ಮತ್ತು 'ಕಾಲಾಯ ತಸೆ¾„ ನಮಃ' ಚಿತ್ರಗಳನ್ನು ನಿರ್ದೇಶಿಸಿದ್ದ ಚಂದ್ರಶೇಖರ್‌ ಶ್ರೀವಾತ್ಸವ್‌ ಈಗ ಹೀರೋ ಆಗುವುದಕ್ಕೆ ಹೊರಟಿದ್ದಾರೆ. ಬಿಗ್‌ ಬಾಸ್‌ ಪ್ರೊಡಕ್ಷನ್ಸ್‌ನಡಿ ಲಕ್ಷ್ಮೀಶ ಎಂಬುವವರು ನಿರ್ಮಿಸುತ್ತಿರುವ ಹೊಸ ಚಿತ್ರದಲ್ಲಿ ಚಂದ್ರಶೇಖರ್‌ ಶ್ರೀವಾತ್ಸವ್‌ ನಾಯಕನಾಗುವುದರ ಜೊತೆಗೆ ನಿರ್ದೇಶನದ ಜವಾಬ್ದಾರಿಯನ್ನೂ ತಮ್ಮ ಹೆಗಲ ಮೇಲೆ ಹೊತ್ತಿದ್ದಾರೆ. ಆ ಚಿತ್ರದ ಹೆಸರು 'ಸೆವೆನ್‌'. ಅದಕ್ಕೊಂದು ಅಡಿಬರಹವೂ ಇದೆ 'ಸಿಂಬಲ್‌ ಆಫ್ ಹೀರೋಯಿಸಂ' ಎಂದು. ಏನಿದು 'ಸೆವೆನ್‌'? ಇದಕ್ಕೆ ಚಂದ್ರಶೇಖರ್‌ ಶ್ರೀವಾತ್ಸವ್‌ ಉತ್ತರಿಸುತ್ತಾ ಹೋಗುತ್ತಾರೆ. '7 ಎಂಬ ಸಂಖ್ಯೆಯಲ್ಲಿ ಬಹಳಷ್ಟು ವಿಶೇಷತೆಗಳಿವೆ. ಆ ಸಂಖ್ಯೆಯನ್ನು ಬಹಳ ದೊಡ್ಡದಕ್ಕೆ ಹೋಲಿಸುತ್ತೇವೆ. ಏಳೇಳು ಜನ್ಮಗಳು, ಸೆವೆನ್‌ ವಂಡರ್... ಹೀಗೆ ತುಂಬಾ ವಿಶೇಷವಿರುವ ಸಂಖ್ಯೆ ಇದು. ಒಂದರಿಂದ ಒಂಬತ್ತರ ಸಂಖ್ಯೆಯಲ್ಲಿ ಬಹಳ ಪವರ್‌ಫ‌ುಲ್‌ ಎಂದರೆ ಅದು 7. ಚಿತ್ರದಲ್ಲೂ ಆ ಸಂಖ್ಯೆ ಪ್ರಮುಖ ಪಾತ್ರ ವಹಿಸುತ್ತದೆ. ಅದೇನೆಂದು ನೀವು ಚಿತ್ರದಲ್ಲೇ ನೋಡಬೇಕು' ಎನ್ನುತ್ತಾರೆ ಚಂದ್ರಶೇಖರ್‌. ಇನ್ನು ಚಿತ್ರದ ಬಗ್ಗೆ ಹೇಳುವುದಾದರೆ, ಇಲ್ಲಿ ಅವರು ಮೋಸದ ಕಥೆಯೊಂದನ್ನು ಹೇಳುವುದಕ್ಕೆ ಹೊರಟಿದ್ದಾರಂತೆ. 'ನನ್ನ ಹಿಂದಿನ ಎರಡು ಚಿತ್ರಗಳಲ್ಲಿ ಪ್ರೀತಿ ಇತ್ತು. ಆದರೆ, ಇಲ್ಲಿ ಮೋಸವಿದೆ. ಯಾವಾಗ ಪ್ರೀತಿ ಹುಟ್ಟಿತೋ, ಮೋಸ ಸಹ ಜತಗೇ ಹುಟ್ಟಿತು ಅಥವಾ ಅದರ ನಂತರ ಹುಟ್ಟಿತು. ಹಾಗಾಗಿ ಈ ಬಾರಿ ಮೋಸದ ಕಥೆಯೊಂದನ್ನು ಹೇಳುವುದಕ್ಕೆ ಹೊರಟಿದ್ದೇನೆ' ಎಂಬ ಉತ್ತರ ಅವರಿಂದ ಬರುತ್ತದೆ. ನಿರ್ದೇಶಕರಾಗಿದ್ದ ಚಂದ್ರಶೇಖರ್‌ ಶ್ರೀವಾತ್ಸವ್‌ ಇಷ್ಟಕ್ಕೂ ಹರೋ ಆಗುತ್ತಿರುವುದೇಕೆ ಎಂಬ ಪ್ರಶ್ನೆ ಬಂದರೆ ಅದು ಸಹಜ. ಅದು ಅನಿವಾರ್ಯತೆ ಮತ್ತು ಅಸಹಾಯಕತೆಯಿಂದ ಎಂಬ ಉತ್ತರ ಅವರಿಂದ ಬರುತ್ತದೆ. 'ನಾನು ನಿರ್ದೇಶಕನಾಗಬೇಕೆಂದು ಇಲ್ಲಿ ಬಂದವನು. ನಟನೆ ನನ್ನ ಪ್ಯಾಷನ್ನೂ ಅಲ್ಲ, ಜೊತೆಗೆ ಅದು ನನ್ನ ಕಪ್‌ ಆಫ್ ಟೀ ಸಹ ಅಲ್ಲ. ಆದರೂ ನಾನು ನಟನಾಗುತ್ತಿರುವುದಕ್ಕೆ ಅನಿವಾರ್ಯತೆ ಮತ್ತು ಅಸಹಾಯಕತೆಗಳು ಕಾರಣ ಎಂದರೆ ತಪ್ಪಿಲ್ಲ. ನಾನು ನಿರ್ದೇಶನಕ್ಕೆ ಬಂದಾಗಿನಿಂದ ಕೆಲವು ವಿಷಯಗಳಲ್ಲಿ ನೋವನುಭವಿಸುತ್ತಿದ್ದೇನೆ. ಹಾಗಾಗಿ ಈ ಬಾರಿ ಆ ನೋವು ಮರೆಯುವುದಕ್ಕೆ ನಟನೆಗೆ ಇಳಿದಿದ್ದೇನೆ' ಎನ್ನುತ್ತಾರೆ ಅವರು. ಇಷ್ಟಕ್ಕೂ ಆ ನೋವೇನು ಎಂದರೆ ಅವರು ರಹಸ್ಯ ಬಿಟ್ಟುಕೊಡುವುದಿಲ್ಲ. 'ಅದನ್ನು ಈಗಲೇ ಹೇಳುವುದಕ್ಕೆ ಮನಸ್ಸಿಲ್ಲ. ಕ್ರಮೇಣ ಖಂಡಿತಾ ಹೇಳುತ್ತೇನೆ. ಜಾಹೀರಾತುಗಳ ಮೂಲಕ ನನ್ನಲ್ಲಿರುವ ನೋವನ್ನು ಹೇಳಿಕೊಳ್ಳುವ ಯೋಚನೆ ನನ್ನದು. ಮೊನ್ನೆ ಹಬ್ಬದ ಜಾಹೀರಾತಿನಲ್ಲಿ 'ಎವರಿ ಡೈರೆಕ್ಟರ್‌ ಹ್ಯಾಸ್‌ ಎ ಹೀರೋಯಿಸಮ್‌' ಎಂದು ಬರೆದಿದ್ದೆ. ಚಿತ್ರ ಬಿಡುಗಡೆಯಾಗುವವರೆಗೂ ಪ್ರತಿ ಜಾಹೀರಾತಿನಲ್ಲೂ ನನ್ನ ನೋವು ಇರುತ್ತದೆ. ಚಿತ್ರ ಬಿಡುಗಡೆಯಾಗುವಷ್ಟರಲ್ಲಿ ನನ್ನ ನೋವೇನೆಂದು ಗೊತ್ತಾಗುತ್ತದೆ' ಎನ್ನುತ್ತಾರೆ ಚಂದ್ರಶೇಖರ್‌ ಶ್ರೀವಾತ್ಸವ್‌. ಅಂದ ಹಾಗೆ, ಈ ಚಿತ್ರದಲ್ಲಿ ಚಂದ್ರಶೇಖರ್‌ ಶ್ರೀವಾತ್ಸವ್‌ಗೆ ನಾಯಕಿಯಾಗಿ ರೂಪಾ ನಟರಾಜ್‌ ನಟಿಸುತ್ತಿದ್ದಾರೆ. ಮಿಕ್ಕಂತೆ ರಂಗಾಯಣ ರಘು, ಅವಿನಾಶ್‌, ಸಾಧು ಕೋಕಿಲ ಮುಂತಾದವರಿರುತ್ತಾರಂತೆ. ಜೊತೆಗೆ ಒಂದಿಷ್ಟು ಹೊಸ ಪ್ರತಿಭೆಗಳೂ ಇರುತ್ತಾರಂತೆ. ಎ.ಎಂ. ನೀಲ್‌ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದರೆ, ಶಂಕರ್‌ ಛಾಯಾಗ್ರಹಣದ ಜವಾಬ್ದಾರಿ ಹೊತ್ತಿದ್ದಾರೆ. ಚಿತ್ರ ಇದೇ ತಿಂಗಳ 18ರಂದು ಪ್ರಾರಂಭವಾಗಲಿದೆ.

    » Read more..

  •   ಭಟ್ಟರ ನಿರ್ದೇಶನದಲ್ಲಿ ಸಲ್ಲು ಚಿತ್ರ
    ಅದು ರಾಕ್‌ಲೈನ್‌ ನಿರ್ಮಾಣದ ಚಿತ್ರವಾ? 'ವಾಸ್ತು ಪ್ರಕಾರ' ಚಿತ್ರದ ನಂತರ ಯೋಗರಾಜ್‌ ಭಟ್‌, ಸಲ್ಮಾನ್‌ ಖಾನ್‌ ಚಿತ್ರ ನಿರ್ದೇಶಿಸುತ್ತಾರಾ? ಇಂಥದ್ದೊಂದು ಸುದ್ದಿ ಗಾಂಧಿನಗರದ ಗಲ್ಲಿಗಲ್ಲಿಗಳಲ್ಲಿ ಹಬ್ಬಿದೆ. ಎಲ್ಲಿಯ ಸಲ್ಮಾನು ಎಲ್ಲಿಯ ಭಟ್ರಾ, ಇದು ಆಗೋಹೋಗೋ ಮಾತಾ ಎಂಬೆಲ್ಲಾ ಪ್ರಶ್ನೆಗಳು ಬರಬಹುದು. ಆದರೆ, ಭಟ್ರಾ ಕಳೆದ ವರ್ಷವಿಡೀ ಮುಂಬೈನಲ್ಲಿ ಕಳೆದವರು. ಹಿಂದಿ ಚಿತ್ರ ಮಾಡುತ್ತೀನಿ ಎಂದು ಹಿಂದಿ ಚಿತ್ರರಂಗದ ದೊಡ್ಡದೊಡ್ಡ ಆಫೀಸಿಗಳಿಗೆಲ್ಲಾ ಭೇಟಿ ಕೊಟ್ಟು ಬಂದಿದ್ದರು. ಆದರೆ, ಚಿತ್ರ ಶುರುವಾಗಲಿಲ್ಲ. ಭಟ್ರಾ ವಾಪಸ್ಸು ಬಂದು 'ವಾಸ್ತು ಪ್ರಕಾರ' ಶುರುವಿಟ್ಟುಕೊಂಡರು. ಹಾಗಂತ ಅವರು ಹಿಂದಿ ಚಿತ್ರ ಮಾಡುವ ಆಸೆಯನ್ನು ಸಂಪೂರ್ಣ ಕೈಬಿಟ್ಟಿದ್ದಾರೆ ಎಂದು ಹೇಳಲು ಸಾಧ್ಯವಿಲ್ಲ. ಅವಾಗ್ಯಾವಾಗಲೋ ಹೊಡೆದ ಕಲ್ಲು, ತಡವಾಗಿ ಮಾವಿನ ಕಾಯಿಗೆ ತಟ್ಟಿರಬಹುದು. ಅದು ಇನ್ನಾéವಾಗಲೋ ನೆಲಕ್ಕುರಳಬಹುದು. ಅದನ್ನು ಭಟ್ಟರು ಇನ್ನೆಂದೋ ಉಪ್ಪಿನಕಾಯಿ ಮಾಡಿ ತಿನ್ನಬಹುದು. ಆದರೆ, ಸದ್ಯಕ್ಕಂತೂ ಈ ಚಿತ್ರ ಆಗುವುದು ಕಷ್ಟ. ಭಟ್ಟರು ಸದ್ಯಕ್ಕೆ ವಿ. ಹರಿಕೃಷ್ಣ ಹಾಡುಗಳನ್ನು ಕೊಟ್ಟರೆ ಸಾಕು ಎಂದು ಕಾಯುತ್ತಿದ್ದಾರೆ. ಆ ನಂತರ 'ವಾಸ್ತು ಪ್ರಕಾರ' ಬಿಡುಗಡೆ. ತದನಂತರ ಇನ್ನೇನೋ ಗೊತ್ತಿಲ್ಲ. ಇನ್ನು ಸಲ್ಮಾನ್‌ ಖಾನ್‌ ಆದರೂ ಖಾಲಿ ಕುಂತಿಲ್ಲ. ಅವರ ಕೈಲೂ ಒಂದಿಷ್ಟು ಚಿತ್ರಗಳಿವೆ. ಜೊತೆಗೆ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣದ ಚಿತ್ರವೊಂದರಲ್ಲಿ ನಟಿಸುವ ಸಾಧ್ಯತೆ ಇದೆ. ಅದೆಲ್ಲಾ ಆದ ಮೇಲೆ ಈ ಚಿತ್ರ ಶುರುವಾಗಬಹುದು. ಅಥವಾ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣದ ಚಿತ್ರವನ್ನೇ ಯೋಗರಾಜ ಭಟ್ಟರು ನಿರ್ದೇಶಿಸುತ್ತಾರಾ? ಚಿತ್ರ ಯಾವಾಗ ಶುರುವಾದರೇನು? ಇದು ನಿಜವಾ ಭಟ್ರೆ ಎಂದು ಕೇಳ್ಳೋಕೆ ಭಟ್ರಿಗೆ ಮೆಸೇಜು ಬಿಟ್ಟರೆ, ಅವರು 'ವಾಸ್ತು ಪ್ರಕಾರ' ಫೋನನ್ನೆಲ್ಲೋ ಇಟ್ಟು ಪ್ರತಿಕ್ರಿಯೆಗೇ ಸಿಗಲಿಲ್ಲ.

    » Read more..

Joomla! Debug Console

Session

Profile Information

Memory Usage

Database Queries